منتديات قبائل شمران الرسمية - قصيدة شمران - صلب شمران العصاة اهل الردايد

يا ولد دلبوح جيتك بالقصايد
والذي تطلبه انا عنده و اجيبه

لو بغيت الشعر جبته في قلايد
و النجيبة ماتجيب الا نجيبة

صلب شمران العصاة اهل الردايد
لا بدوا بالعلم في شره و طيبه

اشهد انهم لى اعتزوا والخصم كايد
كل ذيبن يعوي و يطرب قنيبه

الصفوف محزمه وقت الشدايد
و الرجال وقوفها عزه و هيبه

يومها شلفا وخنجر والهنايد
نكسر الخصام والعادي نصيبه

الشبل منا يطيح كل قايد
علمه و كلن علومه عند شيبه

من زمان الزير لى وقت الجدايد
و اسمنا ماهو بالازمان القريبة

الوقايع غالبه و الحق سايد
حن دول شمران شمران العريبة

من يخاوينا قضى عمره فوايد
من يعادي سلمنا سلمه يخيبه

ضيفنا يلفي على الطيب و زايد
و ان طلبنا كل شمراني يجيبه

بطشنا ببروقنا قبل الرعايد
و ان هدينا سدنا يملى شعيبه

دون قاصر بالقبايل و العوايد
كلهم ونعم بلا شكن وريبه

والملك سلمان فينا خير رايد
تحت حكم ابو فهد نهضه رهيبه

بلغ الحوثي و من يحميه بايد
جندلتهم عندنا ماهي غريبه

الصقر عايض عليهم بالهدايد
و الاسد اسمه سعد يا من دري به

صقر في جو السما والارض صايد
والعدو في مرقده ما يهتني به

كلنا ع الحد يالخاين وفايد
كل يومن يصدح الحوثي نحيبه

لجل روس المعركة جات الشرايد
من سعى للعز يدفع له ضريبه

لعنبوا راسن عن العليا يحايد
دون حد الدار ما يشري نصيبه