|
( وحــيــد الــدرب )
بسم الله الرحمن الرحيم ( وحــيــد الــدرب ) على درب العنا والشوك أدوّر من شقاي ورود وأدوّر للربيع الي رحل طاري يذكّرني وأدوّر للظما موعد ويلقاني بدون وعود ويسقيني عناوين السراب الي تجرّعني وحيد الدرب لولا بعض همي والليالي السود وباقة ذكريات من السنين الي تنكّرني أسابق خطوتي وأزريت أسابق دربي المسدود تلفـّت وعجزت ألقى الطريق الي يرجّعني بعيد ومظلم وموحش وفيه من العذاب شهود بقايا من فراق وغدر يجتاح الصبر مني وفيه إحساس بالغربه يصورها بدون حدود يترجمها شعِر ودموع من كبري تخلّصني وفيه من الندم جلاد وسياط وسجن وقيود وتأنيب الظمير الي قبل لأخطي يعذبني وفيه من التناقض موج متلاطم بنقص وزود ونفس(ن) عزمها لأبعد مراماتي يبلغني ولو كانت علاقة بعضي وبعضي عرب ويهود صمود العزم في وجه التردد يعتذر عني وفيه الخوف ما يصدق معي ما يلتزم بعهود من أول خابره خاين على موتي يشجعني وفيه أكتب عن أول وآخرآلامي وأبيح سدود عن الي قرر فراقي ولا قرر يودعني عن أحزاني عن أشباه الفرح عن حلمي المنشود عن أنصاف الوجيه الي تبعثرني وتجمعني تعبتك حيل يادربي مشيت لبابك الموصود بديتك وانتهيت من الطريق الي يضيعني وأنا بين العنا والشوك أدوّر من شقاي ورود وأدوّر للربيع الي رحل طاري يذكّرني عبدالله علي الشمراني |
رد: ( وحــيــد الــدرب )
صح لسانك أخوي عبدالله على هذه القصيدة الجميلة
وبإنتظار المزيد من قصائدك الرائعة .. ـاخوك / صالح عسكر |
رد: ( وحــيــد الــدرب )
مبدع دائما يابو علي قصيده جميله تحمل من عنوانها الكثير
أشكرك ولا تحرمنا من مشاركاتك وتميزك تحياتي : سعد666 |
رد: ( وحــيــد الــدرب )
صح الله لسانك يابوعلي قصيده رائعة
وهذا ماتعودناه منك الإبداع والتميّز واصل إبداعك فلك منّا كل الإعجاب |
رد: ( وحــيــد الــدرب )
صح لسانك يابو عابد
قصيدة جديدة ورائعة واسلوب اخر وساحر تقبل مروري وتحياتي |
رد: ( وحــيــد الــدرب )
شـكــ وبارك الله فيك ـــرا لك ... لك مني أجمل تحية .
|
رد: ( وحــيــد الــدرب )
وفيه من الندم جلاد وسياط وسجن وقيود
وتأنيب الظمير الي قبل لأخطي يعذبني وفيه من التناقض موج متلاطم بنقص وزود ونفس(ن) عزمها لأبعد مراماتي يبلغني ........................................... الله الله عليك ياأبوعلي .. قصيده في غاية الجمال والروعه .. صح الله لسانك ودامت أيامك .. لاتحرمنا من جديدك وإبداعك .. تقبل تحياتي وسلامي .. |
رد: ( وحــيــد الــدرب )
اقتباس:
أشكرك جزيل الشكر لمرورك الكريم ولك خالص تحياتي |
رد: ( وحــيــد الــدرب )
اقتباس:
ولك خالص تحياتي |
رد: ( وحــيــد الــدرب )
اقتباس:
ولك خالص تحياتي |
| الساعة الآن 12:44 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية