منتديات قبائل شمران الرسمية - يارب تكفينـا غثـا كـل بـلاس&اللي على العـزه كثيـر التناشيـد

- المنقولات الأدبية (http://vb.shmran.net/forumdisplay.php?f=153)

يارب تكفينـا غثـا كـل بـلاس&اللي على العـزه كثيـر التناشيـد

بسم الله الرحمن الرحيم

ياليت بعض الناس مايظلم النـاس
ولاتهرج النمه بعـرض الاجاويـد
لاشك بعض الناس ماعنده احساس
يبي ايتميدح بالردى جعل مايفيـد
بعض الاوادم لو تزيّن بالالبـاس
الطيب مايطلـع سوالـف وتقليـد
الذيب ماخاوا الثعالب والابسـاس
والذل مافـك الحبـاري الملاييـد
خافوا من المعبود قصاف الانفاس
ترى النمايم ياهل العرف ماتفيـد
هرج القفا مافيه طيـب ونومـاس
ولا خير في رجل كثيـر الهرابيـد
والرجل يخشى كلمتن مالهـا راس
يلبسـه فيهـا خطـات المقاريـد
ينخاف من خبل يحسحس اتحساس
على العلوم الباطله دايـم اشهيـد
يارب تكفينـا غثـا كـل بـلاس
اللي على العـزه كثيـر التناشيـد
كم سولفوا سوالف ٍ مالها سـاس
اهل النمايـم خاينيّـن المواعيـد
نكارت المعروف عجلين الامراس
مامن فوايد مابهـم غيـر تنكيـد
وصلاه ربي عد ماهـب نسنـاس
على النبي مهدي الحـق تمهيـد
للشاعر خلف المعتق الرشيدي
___________________
اتمني تــــــعجبكم . دمتم في رعاية الله
مـ/نـ