منتديات قبائل شمران الرسمية - ما انتي خلق من طيني

يانور عيني عسى ربي يجازيني
‏بالموت كاني نويت الهجر والصده
‏ماغيرك اللي من الاجداث تحينيي
‏وتعود فيني حياة الصبر والشده
‏وماغيرك اللي من الضيقات ترضيني
‏لاصار سيف القهر يومي لي بحده
‏وماغير شوفك من العلات يشفيني
‏والعافيه ثوبها ضيم الدهر قده
‏ذكراك لاعرضت دمعي غزى عيني
‏والحزن صقره على ورقا الصدر هده
وفي صمت كوني صرخ شوقك يناديني
‏وألد له مير وش تنفع لي اللده
‏عجاج همي مع ذكراك يسفيني
‏والقلب في غيبتك ينبض ماهو وده
‏وده عن النبض يصمت زال مافيني
‏اشيل همن يبيح من الرجل سده
‏يا باشة الغيد مانتي خلق من طيني
‏انتي من النور والياقوت منعده
‏انتي رجح زينك بكل الموازيني
‏اللي ظفر فيك بين الناس من قده
يوسف الشمراني