|
اقلطي مثل المطر !!!!!!!!!!!!!
السلام عليكم ورحمة الله وبركاته
اقلطي يا بنت شيخن وافين بالقاله = جيّتك مثل المطروسحابته وغيومه لك جزيل الشعر وافي يوصلك مدهاله = لو يغار الورد كلّه غيرته معلومه اقلطي بين الحنايا مجلسك والصاله = يا بعد عمر(ن) غدى به لاحظك واحلومه امحشومه من علوم(ن) فاضيه بطّاله = يوم عيني بالوفى لك راضيه ملزومه وان تكدّر خاطرك ما بتركه بلحاله = قاسم(ن) همك معي في صحوتي والنومه جابك الله للرفيق اللي عزيز(ن) فاله = عاشر اهل الطيب وافي ماتعاب اعلومه وارث العز امن ابوه وجد شيخ وخاله = وان سلك دربه يوفي قالته واعزومه وانتي ادرى حلم عمره تفرحي في جاله = يبتدي المشوار وانتي بسمتك مرسومه ما ذخر عن قربك اغلى ما ملك من ماله = لو طلبتي القلب جالك في الهوى ما الومه يعترف لك طال صبره والفرح ما جاله = قبل شوفك كان تايه ضحكته معدومه ويوم شافك فز حظه والكدر ما طاله = والسعد وجهك وراحت ضيقة(ن) مكتومه اقلطي يا مرحبا بك قرب عينك قاله = جيّتك مثل المطروسحابته وغيومه |
رد: اقلطي مثل المطر !!!!!!!!!!!!!
محمد بن عامر صح لسانك وبيض الله وجهك
أشكرك جداً على القصيدة الجميلة , وشكراً |
رد: اقلطي مثل المطر !!!!!!!!!!!!!
صح الله لسانك اخي محمد على جميل ماطرحت
قصيده رائعه مليئة بالمعاني الرائعة. تقبل مروري وجزيل شكري |
رد: اقلطي مثل المطر !!!!!!!!!!!!!
صح الله لسانك اخي محمد بن عامر على هذه القصيده الرائعه
فتقبل مروري وجزيل شكري -- بارك الله فيك |
رد: اقلطي مثل المطر !!!!!!!!!!!!!
محمد بن عامر صح لسانك على هذه القصيده الرائعه
|
رد: اقلطي مثل المطر !!!!!!!!!!!!!
اقلطي يا بنت شيخن وافين بالقاله = جيّتك مثل المطروسحابته وغيومــــــــــه
لك جزيل الشعر وافي يوصلك مدهاله = لو يغار الورد كلّه غيرته معلومــــــــــــه اقلطي بين الحنايا مجلسك والصاله = يا بعد عمر(ن) غدى به لاحظك واحلومه امحشومه من علوم(ن) فاضيه بطّاله = يوم عيني بالوفى لك راضيه ملزومــــــه وان تكدّر خاطرك ما بتركه بلحاله = قاسم(ن) همك معي في صحوتي والنومه جابك الله للرفيق اللي عزيز(ن) فاله = عاشر اهل الطيب وافي ماتعاب اعلومــــه وارث العز امن ابوه وجد شيخ وخاله = وان سلك دربه يوفي قالته واعزومـــه وانتي ادرى حلم عمره تفرحي في جاله = يبتدي المشوار وانتي بسمتك مرسومه ما ذخر عن قربك اغلى ما ملك من ماله = لو طلبتي القلب جالك في الهوى ما الومه يعترف لك طال صبره والفرح ما جاله = قبل شوفك كان تايه ضحكته معدومـــــــه ويوم شافك فز حظه والكدر ما طاله = والسعد وجهك وراحت ضيقة(ن) مكتومه اقلطي يا مرحبا بك قرب عينك قاله = جيّتك مثل المطروسحابته وغيومــــــه صح لسانك واعتلى شانك القصيده اعجبتني اشكرك |
| الساعة الآن 01:15 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية