كل حي ن يموت وكل شي يزول
 

كل حي ن يموت وكل شي يزول
غير وجه الكريم المعتلي ذو الجلال

أعقد العزم لا ضاقت عليك الحلول
يفتح الله عليك ويبدل الحال حال

ساعة الصبر تفتح محكمات القفول
أو ساعة الضيق تفرج واليالي طوال

لا تعاتب رفيقك جعل عمرك يطول
عدها وادمح الزلة ليا جا مجال

الرفيق السنافي يرتكي للحمول
ما يشيل الحمول إلا ظهور الجمال

والبنادم على الفطرة بطبعه عجول
ولا تجيب النتيجة سرعة الانفعال

كلمة السوء تلقطها أضعاف العقول
قدحة أول شرارة قال فلان وفلان قال

منت لا قي بشر معصوم غير الرسول
خل صدرك شمالي نام مرتاح بال

كاني اشملت كلن له مرام وميول
شوف قلوب الخلايق مايله للشمال

مالها أكذب من النمام راعي الفضول
ولا به أوثق سريرة من صدور الرجال

شوف على كثر ما تمطر سماناسيول
عين تطلع هماج وعين تطلع زلال

وان كان عزمك يخونك وأنت طبعك ملول
سد باب الكلام وخل عنك الجدال

ماتسرك علومك كان مالك قبول
لو تغوص البحور ولو تهد الجبال

واحشم النفس عن هرج الخطأ والنزول
لا تجي للكلام العوج مظرب مثال

وأسمع البدو من زود الأدب وش تقول
كان منته بطيب قالوا إبن حلال


الشاعر .. مشعل عوض العتيبي

رد: كل حي ن يموت وكل شي يزول
 

صح لسانه وبارك فييك

رد: كل حي ن يموت وكل شي يزول
 

رد: كل حي ن يموت وكل شي يزول
 

رد: كل حي ن يموت وكل شي يزول
 

أخي الفاضل بكر علي
اشكرك على مرورك وتواجد
لك أجمل باقات الورد

رد: كل حي ن يموت وكل شي يزول
 

ألاخت الفاضلة روح الجروح
اشكرك على مرورك وتواجد
لك أجمل باقات الورد

رد: كل حي ن يموت وكل شي يزول
 

ألاخت الفاضلة نوال الشمراني
اشكرك على مرورك وتواجد
لك أجمل باقات الورود