منتديات قبائل شمران الرسمية - ---------قصة محزنة جدا للبنات الأربعة مع الهيئة~~~~*^ْ

((بسم الله الرحمن الرحيم))

لا تنسوون ذكر الله

ماذا حدث للبنات الاربع في يوم الاربعــاء في العلياا بالريــاض؟؟؟!!

ماذا حدث في يوم الاربعاء 18\5\1430هـ لبنات في حي العليا ?!

منقول من لسان شخص عاش الموقف بنفسه

يقـــــــــــــــــــول والعهدة على الراوي :

" كنت في منطقة العليا بمدينة الرياض وكنت على

موعد مع صديقي كالعادة كل اربعاء يمرني بعد صلاة العشاء نتمشى الى

الساعة العاشرة ونتعشى وبعد العشى نمر نستأجر افلام ونروح البيت ونسهر

عليهم الى صلاة الفجر وفي هذا اليوم اختلف البرنامج تماماً مرني صديقي

وطلعنا وسوالف وقال خلينا نمر المملكة والفيصلية اللي هي قريبة

شارع التحلية قلت له لا تروح هناك قال يا رجال نتفرج بس.

قلت اليوم : اربعاء وزحمة واكيد فيه هيئة قال وش علينا كل العالم تروح المهم رحنا

دخلنا السوق وكان مزحوم وكانت الهيئة موجوده وبشكل كبير ، اكثر من سيارة

المهم أخذنا لفة وحدة وكان قلبي مش مرتاح قلت فيه شي او راح يصير لنا شي

وانا من النوع أحس اذا فيه شي ودايم سبحان الله يطلع احساسي صحيح المهم

وحنا في اللفة الثانية رحنا مع شارع كله محلات راقية وهناك لقينا سيارتين للهيئة

واقفين متخفين بعيد وكأنهم يراقبون احد المهم قلت لخويي قلبي ناغزني فيه

شي بيصير لا تترك الشارع هذا خذ لفة ثانية المهم وحنا في اللفه الثانية الا

الشارع فيه زحمة وصوت كلام عالي ومانشوف شي سيارات زحمة

والسيارات واقفه قلت افتح الباب واوقف المهم

فتحت الباب ووقفت لقيت واحد من الهيئة يصارخ

على اربع بنات ووحدة منهم هي اللي تصارخ عليه وتتكلم معاه وشوي وهو

يقول لها ما اقدر امد يدي عليك خليها تجي بالطيبة وهي تقول انت خليت فيها طبيه اصلا؟ ( قصده اركبي بدون ما نلمسكـ )

المهم قال شغلك معاي قالت له البنت

اسبق خيول ابوك اركبه واذا انت رجال الحقني المهم ركبوا البنات السيارة وهو يقول

لأخوياة وراهم ولا تتركونهم وقمنا حنا لفينا يمين ورحنا نتفرج طلعت السيارات

اللي شافت الزحمة وانطلقت السيارة اللي فيها بنات ومسرعين على شارع التخصصي

ووراهم سيارتين حقت الهيئة وحنا ومعانا سيارات زحمة نلحقهم المهم السيارات

في سرعة عالية مرة

وهنا يبان لنا انها مطاردة ياساتر على السرعة وانا خويي اقول هدي

السرعة وانا خايف من جد لان صديقي اندمج وهو يلحق السيارات وانا يا فلان

اتركهم وش علينا منهم؟

وهو هذا تخصصه يحب يشوف علشان العالم كلها تدري

وش صاير المهم وحنا وراهم وجاء الدوار الكبير حق الثمامة اللي يجينا واحنا رايحين للثمامة

وكل السيارات مسرعين والسيارة اللي فيها البنات

اول سيارة في المطاردة وشوي وفي الدوار :

ياااااااااااااااااا الله !!

سرعة جنونية وسيارة الهيئة

وراهم بنفس السرعه وقرر اللي في سيارة الهيئة يجي بجمب سواق البنات

الله لا يوريكم وش صار

تفاجأنا من جد وشوي الا هو

فوق الدوار وتنقلب سيارة البنات ومن جمب الدوار وتنقلب وتطلع من الجهة

الثانية وهنا بلحظة انقلاب سيارة البنات ، في بنت من قوة الانقلاب طلعت من السيارة بدون عباءه !!

واخيرا وقفت السيارة بعد اربع قلبات وسيارة الهيئة صدمت في الدوار ولا انقلبت

وانا هنا وقف شعر راسي وجاتني مثل الدوخه وخويي وقف سيارته و نزل ، قلبه

وانا بعد قلبي قوي بس منظر البنت بسبب الصدمه يخوف ولي اسبوع اذا ذكرت

الموقف اتعوذ من ابليس واحاول اغير الموضوع

المهم شوي ونزلت ورى صديقي وعاااااااااالم واقفين واللي يسوق

سيارة الهئية واقف منبهر يبكي وحاط يدينه على راسه وبعض الشباب جزاهم

الله خير يبون يشيلون البنات قمت انا وكم واحد غطيناهم ما ندري هم أحياء

والا أموات وبالصدفه نزل واحد كان مع زوجته وولد صغير طلع دكتور وجاء مسرع

وقام يكشف عليهم وحده وحدة ويمسك يدها ومن بنت الى بنت ، وآخر شي

راح للبنت اللي طلعت اثناء الانقلاب وقام من عند البنت ووقف الدكتور

والعالم كلها تناظر فيه ونزل راسه قال الله يرحمهم هنا العالم انبهرت وترحموا

عليهم وقمنا وغطيناهم بعد ما كشف الدكتور وشوي الا جاء واحد يطالع في

سيارة البنات يمين شمال وراح من هنا ومن هنا وراح وشاف رقم اللوحة وقام

يبكي قال له واحد تعرفهم قال ايه يقربووون لي وهو يبكي ويصيح بأقوى صوت

قال له تعوذ من الشيطان يمك انك غلطان قال لا يقربوون لي قال اكشف على

وجيههم قام كشف على وجيههم بنت بنت من وحدة الى حدة وعرفهم

طلعو البنات الاربع هم :-

وحدة بنت السبيت

والثانية بنت الهاص

والثالثة بنت الديمن

والرابعة بنت الشرياء

وهم البنات اللي يجون على الورق تبع لعبة البلوت "

تعيشووووون وتاكلوون غيرهااااا مثل ما انا اكلتها ...

هههههههههههههههههههههههههههه :Emo_27: