منتديات قبائل شمران الرسمية - حمزة مشينا من ديار المحبين

- المنقولات الأدبية (http://vb.shmran.net/forumdisplay.php?f=153)

- - حمزة مشينا من ديار المحبين (http://vb.shmran.net/showthread.php?t=67198)

حمزة مشينا من ديار المحبين

حمزة مشينا من ديار المحبين
الله يرجعنا عليهم سلومي

مشوا بنا العسكر لدار السلاطين
في مركب جزواه ترك ورومي

عشرين ليل يمة الغرب مقفين
ماحن نشوف إلا السما والنجومي

والنوم يامشكاي مالاج في العين
والقلب ياحمزة تزايد همومي

من الخداعة واحتيال الملاعين
هيهات لو اني عرفت العلومي

هيا اركبو من عندنا فوق ثنتين
وخلوا نجايبكم مع الدو تومي

لازوعن بالوصف مثل القطاتين
تبغى الشراب ولايعنها السمومي

اليا اصبحن كنهن جريد البساتين
نحال من كثر الحفا وارثومي

تلفي على ربع عساهم عزيزين
اهل الشجاعه والكرم والعزومي

ربعي ضنا مرزوق بالعسر واللين
لطامةٍ للي عليهم يزومي

عجمان لا رد البرا للمعادين
حريبهم من همهم ماينومي

يوم الخيانة ليت هم لي قريبين
من فوق زلبات تبوج الحزومي

وليا تعلوا فوق مثل الشياهين
مركاظهم يشبع وحوش تحومي

نوب سلاطين ونوب شياطين
وكم شيخ قومٍ توهم مايقومي

يالله ياقابل سوال المصلين
يا اللي له التقدير في كل يومي

انك تثبتنا على الحق والدين
وانك تروف بحالنا يارحومي

وعسى مقابيل الليالي لنا زين
من عقب مانوسن العلومي

وصلوا على اللي وضح الزين والشين
وشيد منار الدين واعلى الرسومي

راكان بن حثلين