يالله برزق مالحد فيه منه
 

يالله برزق مالحد فيه منه
ينسي المحتاج وش كان محتاج

ويا الله بمحتاجٍ لياسِد عنّه
يذكر مواقفنا بدعوه وهو حاج

يالله بقافٍ يطلع الرزق منه
مثل مايطلع بالسماء النور لانباج

الليل موحش والعرب مستكنه
واللي يبي له درب ماعين سراج

لله فرض و للنبيين سنه
وللطيب درب وللرجاجيل منهاج

كنت احسب إن الناس للناس جنّه
واثر القلوب لبعضها صالي الصاج

وا وجهي اللي ما لقى من يحنه
من منة العالم ومن بعض الاحراج

يا صاحبي لك صاحب خاب ضنه
اثر المثاليات تمثيل و اخراج

واللي بنا الأبراج وده وكنه
يصير معلم في البلد مثل الابراج

لو كان يلبس تاج لا يحسب انه
محمد السادس ولو يلبس التاج

حنا نعرف الطيب ونعرف انه
هراج ابن تسعه وتسعين هراج

وحنا نعاف اللي يجي فيه منه
لو كان عد للعرب مثل هداج


الشاعر فهد الصعيري. ....

رد: يالله برزق مالحد فيه منه
 

رد: يالله برزق مالحد فيه منه
 

جميلة جدا

بارك الله فيك

رد: يالله برزق مالحد فيه منه
 

الأخت الغالية نوال الشمراني
اشكرك على التعقيب
والتواجد بمتصفحي
وفقك الله لكل خير وبارك فيك

رد: يالله برزق مالحد فيه منه
 

أخي الغالي بكر علي
اشكرك على التعقيب
والتواجد بمتصفحي
وفقك الله لكل خير وبارك فيك