|
أثني الترحيب لمحمد وحن مغلينه
الطيب ينتج طيب والمحبه فوق القصيد والغلا واصل وأبن العم شيهان شمران بدع الشهد .. وجعلني رديت معروفه لو بقليل منه .............. أثني الترحيب للشيهان يا مغلينه ................ من رجال يكسبون المدح وأهل الطاله قلتها في موقف ن معلوم يا شارينه ............... مشترى الأرباح كسّابه يحق أنقى له زادك الله يا محمد من تقاه ودينه ................ خل عنك اللي يكيل ومستوى مكياله كلنا نعتد وليوم العدد ضارينه................ والقدم متعوده في دربها بتاله ومن رضي بالهينه والغبن له تغبينه ................ جعل حظه ما يقوم أكثر ولا باساله احمد الله العظيم الكون من تكوينه ................ لو يلوح البرق فوق البحر ولاّ جاله والذي تاه بمداه آقول بالتهجينه ................ يالله أنك تصلحه وإنك تهادي باله يا محمد علمنا للنايفه تسنينه ............... ومن شرى التمثال قلت الله على تمثاله وسلامتكم والعذر لو حصل قصور |
رد: أثني الترحيب لمحمد وحن مغلينه
صح الله لساااانك لحدود رضاك
ابدعت أخي سعد عبدالرحمن نحن مكملين لبعض احييك على تفاعلك ومجاراتك لقصيدتي { يالساني لا تجي بالشينة } ثم ردك هذا دليل العطاء والنهر المتدفق من الإبداع ... سيرتك وسجلك يشهد لك وشاعريتك وشيمتك تفوح من خلال أبياتك نختلف لنقف معا على أرض صلبة ونحتار حتى نجد الطريق الصحيح لنسلكه استمر بالعطاء فبك وبأمثالك تتحرك بنا عجلة الزمن نحو الأفضل وفقك الله وسدد خطاك ننتظر جديدك بفارغ الصبر محبك الشيهاااااااااااااااان |
رد: أثني الترحيب لمحمد وحن مغلينه
أخي شيهان شمران
صح الله بدنك وأسعد الله دنياك وآخرتك وماعليك زود ياذرى المجد علمت بأنك أبن وحفيد الأشاوس فزاد لك حبي وتقديري شكري لك يتجاوز حدود الشكر ويباري السحاب المرتفع |
رد: أثني الترحيب لمحمد وحن مغلينه
صح لسانك ويستاهل ابوصالح ولاهنت يابوعبد الرحمن على هذا الإبداع وليس غريب منك هذا.. |
رد: أثني الترحيب لمحمد وحن مغلينه
صح لسانك يابو مجبر
ويستاهل الشيهان وماشالله قلوبكم اليومين ذي مشعلله جعله دوم وانتم اثريتم المنتدى وبكم يكتما العقد تحياتي |
رد: أثني الترحيب لمحمد وحن مغلينه
اقتباس:
أرحب يارافع الهامه صح الله بدنك وقلبك أشكرك وأشكر وجودك |
رد: أثني الترحيب لمحمد وحن مغلينه
اقتباس:
الشيهان يستاهل الطيب وانت كذلك وانتبه من الحسد ههههههههههههه أشكرك يالغالي |
رد: أثني الترحيب لمحمد وحن مغلينه
صح لســانكم كلكــم وعساكم على القوه ورد رائع سعد وألاروع الابداع من شيهان والى الامام انشاء الله
|
رد: أثني الترحيب لمحمد وحن مغلينه
صح لسانك وعلا شانك علي هالرائعه يابو عبدالرحمن
لاهنت ولاهان فكرك لاتــــحــــرمـــنـــــا جـــديـــدكـ ولك مني كل التحيه والتقدير |
رد: أثني الترحيب لمحمد وحن مغلينه
بسم الله الرحمن الرحيم صح الله لسانك يابومجبر .. كفو و شاعر واخونا الكريم شيهان شمران يستاهل المدح هذه الخوة الطيبة والكلام الطيب .. بيض الله وجيهكم جميع |
| الساعة الآن 06:43 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية