منتديات قبائل شمران الرسمية - قصيده من الشاعر الكبير / زهير بن مداوس ,, والرد من الشاعر / عبدالرحمن بن جروان

رد الشاعر عبد الرحمن بن جروان على
قصيدة الشاعر زهير بن مداوس الشمراني

**********

ياهاجس الشعر وينك حايلك حال
الهم نفسي عليه مبتلجها

هجرتني عام كامل وانت جوال
تعال خفف على نفسي حرجها

من بعد ذا مرحبا ماهل همال
سيله يلاما وطا ديره دلجها

من عقبه الارض تنبت ورد ونفال
غنابها الطير ولحونه هزجها

بالطيب اللي عليه دايم يسال
بيوت شعره على شاني نسجها

بيوت تحوي معاني الطيب وجزال
من شفتها بان في نفسي بهجها

زهير يشكي علي هموم ثقال
هو يدري ان الهوى كبدي فلجها

ياطيب الاصل والمبدا والافعال
هذ دروب الهوى واللي عرجها

والحب فيه الترجي يصبح اذلال
احد يقديك والثاني بعجها

فنكان بالمال سقت المال وعيال
ونكان بالجاه فلك الجاه وجها

ونكان للخيل ميدان ومنزال
فأبشر بمن في ضحى يومه سرجها

وانت ابن ذيك الوجيه شيوخ ورجال
نفسك عزيزه فلا تتبع هوجها

الوقت تعب نفوس وقصر احبال
لاتطرد اللي اذانه في صنجها

الصبر طيب لون الوقت ميال
اصبر ولا تحرق النفس بحنجها

انشهد ان الهوى فتنه وغربال
ونا ولو شبت نفسي في وهجها

هذا ونالك على ماقيل جمال
حملي العوادي على متني وسجها

واسلم وسلم وخذ مالهيل فنجال
يبري كبود الحيارى من غلجها

مثلك مقامه كبير وقدره جلال
يفدونك اللي ترجك من رججها

وختامها ذكر من لا قال فعال
رب السماوات وبحور مرجها

************
الشاعر عبدالرحمن بن جروان الشمراني

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،

قصيدة للاخ الشاعر/زهير بن مداوس بن حمدان الشمراني موجهه للاخ عبدالرحمن بن جروان الشمراني

**************
يالله يالله يللي تعلم الحال
ياعالما بالقلوب وماخلجها

يارازق الطير في سهله والاجبال
والحوت له رزق في غبة لججها

يامفرج الهم عن عبدك ولو طال
وكل ضيقه على ربي فرجها

سهل بوصل الحبيب اللي على البال
يازين كلمة هلابك لا هرجها

الصاحب اللي بجماله يضرب امثال
عينه عيون اشقر زايد دعجها

حبه بوسط الحشا كامن ولا زال
وان غاب نفسي ترى يكثر لججها

هو كل شي في حياتي وكل الأمال
والى انتهجله دروب انتهجها

تفداه روحي وكل الحال والمال
والله يزعج حياة اللي زعجها

ماله شبه صاحبي في كل الأجيال
الله بأوصافها رافع درجها

ماأريد غيره ولا ابدل به ابدال
حياتي بدونها يكثر سمجها

حسبي على اللي وضع مابيننا اوحال
عواصف البعد غطاني عججها

خلى حياتي تشابه لأشهب اللال
والنفس تشكي عنى هم سهجها

فياراعي الشور عطني الشور في الحال
يلي دروب الهوى تعرف فججها

شورك علي ينشري ياطيب الفال
عطني النصيحه وعجل في بلجها

يقلون اسأل مجرب مثل ما قال
راعي التماثيل بالحكمه مزجها

بو نايف اللي عريب الجد والخال
يعرف لعدل القوافي من عوجها

له في دروب الهوى جوله وترحال
وأن عمست ارياك يفتلك حججها

زهير بن مداوس بن حمدان الشمراني

,,,,,,,,,,,,,

منقـــــــــــــــــــــــول
من المجله العامه للمنتدى الى الديوان