|
(ــــــ)( ما عنه مجناب )(ــــــ)
والله ما عني ولا عنه مجنـــــــــــاب = الصاحب اللي مسكنه وسط عــــــيني
من قبل أشوفه كنت ما حسب حساب = للنايبات اللي بنومي تجــــــــــــيني واليوم قلبي صار كنه على نـــــــــاب = في فك مقهور الزمان المشــــــــــــيني والعين غالي دمعها صار منســـــــاب = والوقت عجزت رحمته تحتـــــــويني صحيح ماهو من الجماعة والأقــــراب = ولا هو بعيد ولا قريبٍ يجـــــــــــيني لكن من ناس دوام لي أحبــــــــــاب = أحبهم والحب ماهو بيـــــــــــــديني وأقسم أنا بالله مانيب كـــــــــذاب = وش لون وأنا من فراقه حــــــــزيني وتظلّم الدنيا عليه إذا غـــــــــــاب = وتزيد حسراتي ويكثر ونـــــــــــيني مبطي وأنا أرجي لكن الحظ ما طـاب = مرات شين ومرتين يـــــــــــــــــزيني ولعبت بي الدنيا وأنا توني شـــــاب = واللي بعقلي ما وقع في يمــــــــــــيني لو كان بيدي كان دقيت أنا البـاب = عليه وأردفت السلام اليمـــــــــــيني وحلفت ما عني ولا عنه مجنـــاب = وأقول له قم حط عينك بعـــــــــيني |
رد: (ــــــ)( ما عنه مجناب )(ــــــ)
الشاعر القدير
غرمان بن عزيز اهلا ومرحبا بك وبعودتك لنا مرة اخرى.. ونعتذر لك عن اللبس الذي صار صح الله لسانك على جميل عباراتك التي تشدنا لقرائتها والإستمتاع بمعانيها. تقبل مروري وغعجابي الكبير |
رد: (ــــــ)( ما عنه مجناب )(ــــــ)
اقتباس:
الله يعطيك العافية يا أبا حامد على المرور والطيب وعساك ذخر والأمر بسيط جداً ولا هناك مشكله والخطأ وارد من الجميع ولكن بين الأحباب ما فيه عتاب وعفاك 0 |
رد: (ــــــ)( ما عنه مجناب )(ــــــ)
صح لسان يابن عزيز
قصيدة جميلة ورائعة استحقت القراءة نتمنى منك المزيد وحياك الله ياشاعرنا الجميل تقبل تحياتي واحترامي |
رد: (ــــــ)( ما عنه مجناب )(ــــــ)
سلمت اخوي الغالي غرمان على هذا النص
لك تقديري |
رد: (ــــــ)( ما عنه مجناب )(ــــــ)
اقتباس:
ألف شكر يالغالي على مرورك الطيب والله يطيب فالك 0 |
رد: (ــــــ)( ما عنه مجناب )(ــــــ)
اقتباس:
أشكرك سيدي الفاضل على تكرمك بالمرور وعساك تسلم 0 |
رد: (ــــــ)( ما عنه مجناب )(ــــــ)
هلاو غلا بالشاعر غرمان والله يحييك
قصيده رائعه وننتظر المزيد |
رد: (ــــــ)( ما عنه مجناب )(ــــــ)
وتظلّم الدنيا عليه إذا غـــــــــــاب = وتزيد حسراتي ويكثر ونـــــــــــيني
مبطي وأنا أرجي لكن الحظ ما طـاب = مرات شين ومرتين يـــــــــــــــــزيني صح لسانك قصيده جميله من شاعر جميل ومازلنا ننتظر المزيد من هذا الابداع |
رد: (ــــــ)( ما عنه مجناب )(ــــــ)
اقتباس:
المهلي ما يولي وعساك تسلم يالغالي وأبشر بالسعد والله يقدرنا على إرضاء الجميع 0 |
| الساعة الآن 08:56 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية