منتديات قبائل شمران الرسمية - قال سعد بن جدلان رحمه الله

- المنقولات الأدبية (http://vb.shmran.net/forumdisplay.php?f=153)

- - قال سعد بن جدلان رحمه الله (http://vb.shmran.net/showthread.php?t=46121)

قال سعد بن جدلان رحمه الله

الفوز ماهو فوز كـورة وبالـوت
ولا شعـر ولا مـزايـن قبـايـل

الفوز والله توبة تسبـق المـوت
قبل الوداع وقبل شـد الرحايـل

الروح مثل المال والموت ساحوت
والموت مايفرق بقاصـر وطايـل

هذي نصيحة جد والعلـم مثبـوت
ولاخيـر فـي قـولٍ بليـا دلايـل

تغانمو الاوقات والوقـت موقـوت
الوقت مثل الظـل والظـل مايـل

ياللي تخطط لك مشاريـع وبيـوت
في طاعة المعبود كيف انت قايل

نسيت بيت الآخرة وانت مبهـوت
ماعاد تنفعـك الحيـل والتحايـل

مجاورٍ لك عالـمٍ لكـن سكـوت
في ساعة فيها تشوف الهوايل

النصح واجب قبل لايفوتك الفـوت
النار يامسكين تعمـل عمايـل

قلته وانا مقصر لكن برفع الصوتً
ياللي تبون الفـوز والشـك زايـل

الفوز والله توبةٍ تسبـق المـوت
قبل الوداع وقبـل شد الرحايل