منتديات قبائل شمران الرسمية - قد خذينا من الشرف راس السنام

قد نحل جسمي وبانن العظام
وانت تسال الخلق جاوبت برجيم
والبلا ماهو ورى قل الطعام
البلا حبن تمكن بالصميم
وش خذيت من الهوا غير الهيام
والدموع الزرق والحال السقيم
وش ضويتي درب ياشمس الغرام
والحياه ادراج في الليل العتيم
وش بقى من حب زاهية اللثام
وش بقى من تيه ف الفكر المهيم
والوصال امواج في بحر الظلام
والسفن ينحى بها الموج العظيم
ياجميله وعلى الدنيا السلام
والامل ف القلب رحال ومقيم
والضلوع العوج ف الفرقى حطام
ودمع عيني لانتحى هتان ديم
وقسمي من الليل حلمن في منام
والخمر ذكراك والحزن النديم
عقب عينك حال يوسف للعدام
حال يعقوب النبي يومه كظيم
قد خذينا من الشرف راس السنام
وقد حفظناالحب عن هرج اللئيم
وقد بيننا عشقنا فوق الغمام
الشرف سوره ومبناه القويم
يوسف الشمراني