ياطير غرد / نجم حرب
 

(*بمناسبة اليوم الوطني*)

اليوم هذا عندي اخبار وعلوم
ماريد كلمة ليش بس اتركوني

اشوفني في نشر الاخبار ملزوم
ماهمني لو البشر يزعلوني

الاوله رب السموات قيوم
امره علينا بين كافٍ ونوني

خلق جميع الكون من شي معدوم
هو الذي ان راد شي يكوني

والثانيه صلوا على خير معصوم
اعداد ماهل المطر بالمزوني

انزل عليه الوحي بالتين والروم
قرآن يتلى لين يوم الغبوني

والثالثه يوم الجهل صار بالقوم
كلٍ يقول الصبح دونك ودوني

اهل الجزيره بينهم صاروا اخصوم
وكل القبايل بعضهم يسلبوني

كاد الجهل بالناس يبقى الى اليوم
لولا ولي العرش من فوق كوني

ثم الزعيم اللي حرب حالي النوم
لين التعافي عم كل الطعوني

مرحوم ياللي وحد الشمل مرحوم
عبد العزيز وكلكم تعلموني

وساروا على نهجه شغاميم وقروم
بحكم الشريعه كلهم يحكموني

واليوم حنا بعهد سلمان زيزوم
تسلم لنا يابوفهد ماتهوني

سيفك محنا والعدو صار مهزوم
السيف سيفك والغريم مغبوني

ويسلم لنا اللي كنه يشاهد الحوم
صقرٍ تعلا فوق وهز المتوني

محمد بن سلمان يسلم لنا دوم
ياطير غرد فوق ذيك الغصوني

ومن غير علومي ذي ماعندي علوم
هذا مجهودي ياعرب واعذروني

نجم حرب
نايف عبدالله السليمي

رد: ياطير غرد / نجم حرب
 

رد: ياطير غرد / نجم حرب
 

ينجم حرب اكفخ كما الحر لاحام
واقنص لنا من ذالفرايد وكثر

يحيا الوطن وتسلم لنا قيادتنا وحكومتنا
وشعب المملكة كافة

صح لسانك قصيده جميله اعجبتني كثير
تقبل مروري المتواضع

وفقك الله لكل خير وبارك فيك

رد: ياطير غرد / نجم حرب
 

لاهنت يالحمدان وبيض الله وجهك وصح بدنك ولاهنت /

تحياتي لك :

رد: ياطير غرد / نجم حرب
 

عفواً اختي نوال الشمراني على عدم تنسيق الرد سهواً /
اقول صح بدنك ولاهنتي /

تحياتي لمقام سموك الكريم :

رد: ياطير غرد / نجم حرب