منتديات قبائل شمران الرسمية - وانـا قسـم بالله لايمكـن ارتــاب

ظلم الغريب أهـون ولا ظلـم الاقـراب
لان الظليمـه مـن قريبـك مصيـبـه

وعيب القريب اصعب من عيوب الاغراب
لان القريـب يعيبـك الـلـي يعيـبـه

والله مايـذبـح طويلـيـن الاشـنـاب
غير القريب اللـي طعـن فـي قريبـه

عقب القرابه والغـلا صرتـم احـزاب !
ولا حد ٍ جنى من فعلته كـود خيبـه !

بالله لايكثـر , تـرى خاطـري طـاب
مليـت مـن كثـر الجـروح العطيبـه

الفرق واضـح بيـن صـادق ونصـاب
والحـق يطلـع لـو يطّـول مغيـبـه

وان كان فالدنيا محد حاسـب حسـاب
فـالآخـره رب ٍ خلقـنـا حسـيـبـه

وانـا قسـم بالله لايمكـن ارتــاب
ولا حـب هـرج ٍ فيـه نمـه وغيبـه

احـب اقـول الصـدق حتـى لكـذاب
واحب اجـازي مـن غمرنـي بطيبـه

وإلا الردي لـه عندنـا حفنـة تـراب
وان غـاب ماقلنـا عسـى الله يجيبـه

بـس انـت ياليتـك تفكـر بالاسبـاب
لان الظليمـه مـن قريبـك مصيـبـه