|
موبايلي لو هي تعاون مع زين &&& ما كان شفنا في البلد ضعف الارسال
اسعد الله اوقات الجميع بالخير والمسرات
الجديد يتشرف بمصافحة قلوبكم الدهر علمنا دروس ومضامين &&&&&&&&&& والوقت نوب ٍ يصدق ونوب يحتال والصمله اللي تنبري في الميادين &&&&&&&&&& بالعز محفوفه على صدور الأبطال بعض البشر هيبته هيبة سلاطين &&&&&&&&&& وليا قدح بارود يمرح على الجال وبعض البشر مثقل خطاوي ومسكين &&&&&&&&&& وبعض البشر طيب سجايا ورحال وبعض البشر اقرب من رماشة العين &&&&&&&&&& لكن ضنونه تلحقه كل منزال يا الخاطر اللي كدره فعل الأدنين &&&&&&&&&& الصاحب اللي كنت احسبه لي ظلال كنت احسبه مثلي واثر طبعه الشين &&&&&&&&&& نزله من عيني ومن عالي جبال من لا يوازن كلمته في الموازين &&&&&&&&&& ما للرفاقه في معاريفه إجلال ما قلت لا تمشي .. لكن امش بـ هوين &&&&&&&&&& وما قلت لا تفخر.. لكن فخرك خبال مثلك مثل غيرك ومحسن كما حسين &&&&&&&&&& لكن مريض النفس والكبر قتال وش عاد لو ما كنت مخلوق من طين &&&&&&&&&& وما فيك عن باقي العرب حايل ٍ حال مره كما الطاووس تمشي على البين &&&&&&&&&& ومره تداحمنا وتمشي مع جمال نصفح ونسمح لكن المخطيه دين &&&&&&&&&& تدور في الخاطر وتكبر وتنهال تعبت من قولة أهل العرف صلفين &&&&&&&&&& وتعبت أدرج بسمتي عند الأنذال وانا وحيد ٍ يا فتى ما ني اثنين &&&&&&&&&& والظاهر إني صرت مضرب للأمثال ( يا عاقل ٍ عايش وحولي مجانين &&&&&&&&&& ولا أنا مجنون والناس عقال ) وانشهد إن الوقت من حين لا حين &&&&&&&&&& يطرب ويصفق ويتقلب ويختال وجهة نظر يمكن تمثل ملايين &&&&&&&&&& ومليون يمكن ما يكيلون مكيال (موبايلي) لو هي تعاون مع (زين) &&&&&&&&&& ما كان شفنا في البلد ضعف الإرسال وان كان عند (الاتصالات) تحسين &&&&&&&&&& يحري بها الشايب وهو سابق أجيال إعلان مجاني بصدر الدواوين &&&&&&&&&& للي لهم سطوه على كل جوال متنافسين وكنهم في مزايين &&&&&&&&&& كل ٍ يسوَق سلعته بين الأشبال الله يقويهم وحن مستفيدين &&&&&&&&&& ونصير نهرج سبع ساعات بـ ريال قبل أمس كنا بين مؤتة وحطين &&&&&&&&&& واليوم حنا بين بايع ودلال والله واعلم درب باكر على وين &&&&&&&&&& لا صاروا عيال الترف ما هم عيال الله يكافينا شرور الشياطين &&&&&&&&&& وأستغفرك يارب طــه والأنفال وسلامتكم |
وأسعد الله مسائك ياشاعرنا المميز
واهلا ومرحبا بهذا التواجد الذي طال إنتظاره وصح الله لسانك على جميل ماسطرته لنا من نصائح استفدنا منها جميعا فقد احسنت توظيف الكلمات لتخرج لنا معاني رائعه تقبل مروري وجزيل شكري لك |
مشكور أخوي ابراهيم بن طهيفان على هذه الابيات القمة في الروعة
أبدعت في صياغتها وغلب عليها موضوع الحكمة .. سلمت وبيض الله وجهك وننتظر جديدك ـأخوك / صالح عسكر |
سلمت وصح لسانك
حكم ودرر في هالقصيده |
سلمت وصح لسانكـ
ابيات رائعهــ الله يعطيك الف عافيه |
شكرا لك اخي ابراهيم بن طهيفان على هذه الابيات
المميزه والرائعه فصح لسانك وبيض الله وجهك |
كفو
كفيت ووفيت ياسنايدي ولاهنت يالسنافي |
اقسم بالله وبدون مجاملة ان شعرك هذا لو مايسمعونه جميع الناس ويطلع عالفضائيات
كان هناك شعراء كثير مايتجرأون يطلعون انت تظلم الناس من عدم سماع الشعر الحقيقي قبل ظلمك لنفسك ابراهيم انت شاعر وانا لست من يقيمك احترم شخصك واحترم شعرك تقبل مروري |
|
صح لسانكـ أخي الشاعر ابراهيم بن طهيفان
لقد طالت غيبتكـ ورجعت لنا بقنبلهـ من العيار الثقيل أشكركـ على امتاعنا بما طرحتهـ هنا من المعاني الجزلهـ والصور الشعريهـ اللامحدودهـ والجميلهـ أتمنى أن نرى أبيات قصيدكـ كلها متواجدهـ لنستمتع بها أشكركـ على جمال شعركـ احترامي وتقديري |
| الساعة الآن 02:33 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية