منتديات قبائل شمران الرسمية - مجاراه لعدد من الشعراء

- المنقولات الأدبية (http://vb.shmran.net/forumdisplay.php?f=153)

- - مجاراه لعدد من الشعراء (http://vb.shmran.net/showthread.php?t=60773)

مجاراه لعدد من الشعراء

https://2img.net/h/files2.fatakat.co...2229861494.gif

مطلع بيت للشاعر
رمضان المنتشري:

بعض العرب مثل البيوت اليتيمه
يغنيك أحدهم عن قصيده وهو بيت

#ردود بعض الشعراء#

1/ الدكتور علي مسفر

وبعض النسا مثل البيوت القديمه
ذوق وتعادل قيمته عن مية بيت

2/ علي بن نامش

وبعض العرب مثل البلاد العقيمة
تحرث وتسقيها ولا كنك اسقيت

3/ مرضي العمري

وبعض الصور في الواقعية أليمة
لو كان يخدمها في الظاهر الصيت

4/ صالح بن عزيز

بعض العرب. غيباته أكبر غنيمه.
وبعض العرب لا شفت زوله تعافيت

5/ عبدالحميد الفهمي

وبعض العرب زوداً على غير قيمه
ومعقداً ماينحفظ مثل الاوبريت

6/ عبدالواحد الزهراني

ما هو بشرط يكون للشي قيمة
يحرق مدينة كاملة عود كبريت

7/ سعيد بن هضبان

بعض العرب حياً ولا فيه شيمه
ماينذكر بالخير حياً ولاميييت

8/ مدشوش الاكلبي

انا صديقي في الامور العظيمه
اللي يدور لي عذر لا ترديت

9/ احمد الذبياني

واكبر خسارة حق واكبر جريمه
لاصار دم ابن ادم ارخص من الزيت

10/تركي العاصمي القحطاني

كسب الرجال أغلى من المال قيمه
اما الردي خله محطة -ترانزيت-

11/محمد بن ثايب

ياحبني للعالم المستقيمه
اللي توجهني ليا مني اخطيت

12/علي الدوسي

تعيش في عز وكرامه ب خيمه
ولا بقصر بغير عزآ ولا صيت

13/احمد المنتشري

وبعض العرب مثل العقول الحكيمة
لاغابت الرؤية لشوره تركيت

14/سعود السهلي

وبعض العرب فرقاه غبن وظليمه
يفضى عليك الكون لاعنه صديت

15/أحمد بن زري

وبعض العرب ينعم بنيه سليمه
من طيب كيفه يكرمك لاتقهويت

16/ سعود الصبحي

وبعض العرب فالنار مثل الهشيمه
شعله ولا يدْفيك لا من تدفيت

17/ احمد رده الحارثي

وبعض العرب دكتور كذب ونميمه
وبلا شهاده لا انتخيت وتعزويت

18/ عبيد بن جدران

وبعض العرب طبعه يشابه حريمه
حسافة يا عود في ذا تعنيت

19/ مبارك بن هداف

بعض العرب قبل يتكلم صتيمه
واليا تكلم قلت يا ليتك امسيت

21/ احمد بن خضران

بعض البشر طبعه طبايع بهيمة
مؤذيك بالوادي ومؤذيك بالبيت

22/ سعد عبدالله الخثعمي

بعض السوالف عاقبتها وخيمة
من شان عسر القاف للقاف جاريت

23/ احمد بن فهيد الخثعمي

وبعض العرب كانه على ظهر ريمه
يسرح ويضوي مادرى ويش سويت

24/ سعيد مهدي القحطاني

وبعض البشر معرفته اكبرجريمه
ارفع جنابك من معارف سرابيت

25/ علي بن خلوفه الاحمري

وبعض العرب شوفته شوفة رميمه
والبعض الآخر عز لامن تعزويت .

26/ مشعان الحنيان ابن جدي

وبعض العرب مايتعوض بقيمه
يسجل له التاريخ لوهو بعد ميت

27/طلال العقيل الشمري

بعض العرب فرقاه ربح وغنيمه
والبعض منهم كنزك اللي تمنيت

28/عبدالله بن حمد المانع

وبعض العرب مثلك حقوقه عظيمة
ينحط فوق الراس.. ويذيع له صيت

29/ محمد حسين الاحبابي (ابو خالد)

وبعض العرب ماهمه الا الوليمه
شغله يجي ويروح من بيت لابيت

30 ناصر مشعل بن نوال الصميلي .. ابو مشعل.

النشمي اللي مثل هتان ديمه
احرص عليه وخوته كان خاويت

31/هادي بن مهدي بن هطيل الحبابي

بعض العرب في الكون مثل البهيمه
مايخدم التاريخ حي ولا ميت

32-محمدالجهمي ابوخالد

وبعض العرب دايم فعوله ذميمه
بينه وبين اهل الخيانه مواقيت

33- محمدبن احمدالزايدي
خلك مع اصحاب الصفات الكريمه
وحيث ماحلوا هل الجود حليت

34- د.عسكر بن عبدالله طعيمان

من شان دار الخلد قوّ العزيمه
واطلب رضا ربك تنل ما تمنّيت

35- سلطان محمد الشليف الجهمي

اهل المكارم والنوايا السليمه
حتى الجروح ان جات منهم ، تعافيت

37- ناجي السهمي هذال (ابو عادل)

بعض البشر حكمه يداوي اليمه
زين الكلام اذا تحدث تعافيت

40مبارك بن احمد دهبيل ابو سالم

خل النقاء فسيره المستقيمه
مالكذب لاغداك مابه تعشيت

41 الشيخ محمد الطويل بن حزيم الجهمي

دنـياك لا تغريك ماهي مديمه
وكل ما سويت فيها تخـليت

42 ابوحاتم علي احمد ربيع الجهمي

لاتصحب الا اهل النفوس الكريمه
وقت الشدايد عزوتك لاتعزويت

48ابواحمد بن دهبيل

سلم على أصحاب النوايا السليمه
ذي ماعلى نار الفتن صبو الزيت

51عباد العامري الاغب

بعض، العرب تلقاه شيمه وقيمه
وبعض العرب مايدخلك معقم البيت

52_ عبدالله بن دلمخ العمري

ماكل مغبون(ن ) يقاضي غريمه
حتى ولو هو ذايع الجاه والصيت

https://2img.net/h/i128.photobucket....wers/df319.gif