![]() |
رسالة تعزية من الشاعر مبارك بن عثمان بن ثواب
بسم الله والصلاة والسلام على رسول الله وبعد:.
أتقدم بأحر التعازي والمواساة للشيخ /شعلان بن منصور والشيخ/علي بن منصور وأخوانهم وقبيلة المخاسر خاصة وقبائل شمران عامة في وفاة الشيخ /منصور بن علي بن مضحي. ومن ثم أكتب هذه الرسالة عبارة عن قصيدة مفادها الإعتذار عن التأخر في التعزية وتوضيح الأسباب ............................ سر ياقلم سطر من أشعاري سطور** وأكتب من الشعر النبط كل ماأمليه أنــت الوحيـد معايشي شعر وشعور** وأنت أول اللي بالثقه واثقٍ فيه وأفضل صديــقٍ لي مجرب ومخبور** وبالصدق تخبر عن علومي وماأنويه واليوم أنا عن واجبي صار لي دور** أسبوع بأيامه وجملة لياليه واجب معازاتي في الشيخ منصــور** وعن واجبٍ لشيخ شعلان أواسيه فالأولــه يالله يامظهـــــر النــــــــور** وخافي النوايا دائما تطلع فيه أطلبــك لشيــخ السلــف ذنب مغفور** لو هو من أهل الخير نعجز نزكيه في حيـــن مايعطــى كتابٍ ومنشــور** بأمرك يشوف الخير ومدونٍ فيه وفيه السكـــن جنة وزوجاتــه الحور** ويارب من الكوثر طلبناك تسقيه وفي جنة الفردوس مسكانه قصـــور** وأهل السلف جيرانه اللي حواليه والثانية يشهـــــــد لي الله معـــــــذور** لوقال عني الشيخ شعلان وشفيه ياأبــــو علـــي والله صـــدقٍ بــلا زور** إن كل علمي صدق واللي ورد فيه في العلــم ماجاني ولا أبطابي قصـور** الاأمس صدفه يوم جتني طواريه ولي مدة في المنتدى مالي حضـــــور** لاشك لي ظرف وسبب مقتنع فيه ياشيخ أنا مانيب بالحلـــف مجبــــــور** إلا معك صدق المشاعر ماأخفيه ياأبــــــو علـي والله والله ماأبـــــــــــور** في رفقتك وإنها فخر نفتخر فيه وقــف ولالاتعتبــــر منطقــي جــــــــور** فحبي لمثلك ماتبين مواريه والله يجعلــــــي ولــك حال مستــــــــور** وإنه يبين لي الوفي مثلك أوفيه ولايعتبــــر حــبٍ لشــــرواك مقصــــور** فلا خير في حب المصالح وشاريه كني ورى أهداف الرياجيل مسحــــــور** أحب راعيها وأعادي معاديه وأشــــوف مثلــــــــك مايقارن بطابــور** ليات ماقف لشرف لايقن فيه ومالاق فــي عيـــنــــي لتطبيقــك الدور** غيرك ولاوالله خذ الدور راعيه الصــــدق لك كنــــز عن الناس مذخور** ماتطرحه لمساومة من طمع فيه ومبداك دربٍ منــك ماصار مهجـــــــور** وغيرك مع دربٍ يدله ويخطيه وبعد النظر ميزك ياشيـــــــــخ فالشـور** وأشوار غيرك للهدف ماتغطيه ورغم الصفات النادرة منت مغــــــرور** وغيرك يبي روس النوايف تعليه كم شيخ قومٍ من معانيك مقهــــــــــــور** ويشوف نفسه عاجز في تحديه وياشيخ لو غيرك مشيــــخ ومشهــــور** نفسه ليا كبرت وشافك توطيه واللي يكذبني وهـــو يعرفــــــك ثـــــور** إلا إن عقله ناقصٍ مايقديه والا معاق إعاقة الصقــــــه والعــــــور** ولا من اللي قدوته مايدانيه وأنا على وصفـي لشرواك مســـــــرور** وصفٍ على مر الزمن ماأبتلش فيه وعلى النبي اللي مكلـــــــف ومأمــــور** شفيعنا اللي بالشفاعات نرجيه وصلاة ربي عد ماخلـــــــق ببحـــــــور** وإعداد فرض الله وخلقٍ تصليه هذا وآمل أن يكون عذري مقبول |
رد: رسالة تعزية من الشاعر مبارك بن عثمان بن ثواب
رحمة الله على الشيخ:منصور فهو رمز من رموز قبيلتنا..
والعوض في الشيخ:شعلان وأخوانه.. صحت لسانك يامبارك فأنت راعي واجب.. |
رد: رسالة تعزية من الشاعر مبارك بن عثمان بن ثواب
الله لايهنكــ اخوي ابو عثمان على مشاعرك النبيله
والله يطول لنا في عمر الشيخ الشيخ/ شعلان وجعله تاج على روس الكل شكرا لك |
رد: رسالة تعزية من الشاعر مبارك بن عثمان بن ثواب
رحمة الله على الشيخ:منصور فهو رمز من رموز قبيلتنا.. والعوض في الشيخ:شعلان وأخوانه.. صحت لسانك يامبارك فأنت راعي واجب.. ودمت بخير |
رد: رسالة تعزية من الشاعر مبارك بن عثمان بن ثواب
رحم الله الشيخ منصور
وصحت لسانك ياشاعرنا |
رد: رسالة تعزية من الشاعر مبارك بن عثمان بن ثواب
الله يرحمه ويدخله فسيح جناته
وصح لسان شاعرنا |
رد: رسالة تعزية من الشاعر مبارك بن عثمان بن ثواب
الله يرحمه ويدخله فسيح جناته وصح لسان شاعرنا |
رد: رسالة تعزية من الشاعر مبارك بن عثمان بن ثواب
رحم الله الشيخ منصور وصح لسانك ياشاعر شمران
|
رد: رسالة تعزية من الشاعر مبارك بن عثمان بن ثواب
رحمة الله الشيخ / منصور بن علي بن مضحي رحمة تغشاه
وصح لسانك يابن عثمان على هذه التعزيه بارك الله فيك |
رد: رسالة تعزية من الشاعر مبارك بن عثمان بن ثواب
رحمة الله على الشيخ:منصور فهو رمز من رموز قبيلتنا
|
الساعة الآن 10:57 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية