منتديات قبائل شمران الرسمية - الصراحة مزعجة وأنا صريح

- المنقولات الأدبية (http://vb.shmran.net/forumdisplay.php?f=153)

- - الصراحة مزعجة وأنا صريح (http://vb.shmran.net/showthread.php?t=52546)

الصراحة مزعجة وأنا صريح

الجبال اللي تزحزح ما تزيح
والغصون أدنى هبوب تزولها

اعتنز على جبل و لا تطيح
الجبال تذرّي اللي حولها

والصراحة مزعجة وأنا صريح
تزعجك ما تزعجك بآقولها

شاعرٍ موهوب و لساني فصيح
وسابحٍ عرض البحور و طولها

و الأفاعي روسها تندح نديح
والعقارب سمّها في ذيولها

ما على الدنيا ضميرٍ مستريح
كل خلق الله تعن خيولها

ذا يون و ذا يحن و ذا يصيح
و ذا يخطّف راسها و رجولها

والشعر .. هذا قبيح و ذا مليح
وكلبوها ساريٍ مفعولها

اجلد القبيح في وجه القبيح
وقول وش رايك؟ و أقول أصولها

و إلا أنا ما قد مدحت إلا المديح
الجمال اللي تشيل حمولها

و الصراحة مزعجة و أنا صريح
تزعجك ما تزعجك بأقولها

و إلا تدري ما يصح إلا الصحيح
خاطب العالم بقد عقولها

الشاعر سلطان بن وسام الهاجري