كل ٍ وله بين المخاليق سيرة !!!!!!!!!!
كل ٍ وله بين المخاليق سيرة
والرجل ما طـوّله ياكود الافعال . وكل ٍ له اجدادٍ بنوا له مسيرة والابن ياخذ من عمامه والاخوال . كم رجل ٍ اشهر له ربوع ٍ وديرة ولايخلّـد في الزمن غير الابطال . وكم رجل ٍ اصبح في قبايله عيرة محسوبْ مابين الهلايم والانذال . الرجل لاصارت عزومه كبيرة حطه على يمناك في كل الاحوال . ينفعك لاصابتك في الدهر حيرة واذا اتكلت عليه في العلم رجّال . ويكون عونك في الامور الخطيرة ما هوبٍ لاعوبٍ ولا هوب ميّال . (موسى) طلب (هارون) يصبح وزيره يوم ٍ درى انه للثقيلات شيّال . وافضى اليه بحاجته والسريرة فكان له نعم الخوي يوم الاهوال . خل الذي يعجز لحمل الصغيرة خله بعيدٍ عنك يتريح البال . وقت السعات الله ما اقوى هديره ووقت الشدايد جعل ما هوب لك فال . خيرة من اهل الكذب والغش خيرة واهلاً بمن يمشي على الحق مازال . والحق من يميشه ما شيْ يضيره ولايتوه الا كذوبٍ ومحتال . واللي كذب فحبال كذبه قصيرة مؤرخ ٍ هذا بتاريخ الامثال . ولابد يلقى كل عبدٍ مصيره والخاتمة دايمْ على قد الاعمال! . راجي الوصل على الفيس بوك: http://www.facebook.com/profile.php?id=1383061321&ref=tn_tnmn . |
رد: كل ٍ وله بين المخاليق سيرة !!!!!!!!!!
لك مني التحيه والتقدير ابيات من ذهب
والله باني اعشق قصائدك |
رد: كل ٍ وله بين المخاليق سيرة !!!!!!!!!!
صح الله لساااانك
جزلة ووافية لا هنت |
رد: كل ٍ وله بين المخاليق سيرة !!!!!!!!!!
خل الذي يعجز لحمل الصغيرة
خله بعيدٍ عنك يتريح البال . وقت السعات الله ما اقوى هديره ووقت الشدايد جعل ما هوب لك فال . الله عليك وتسلم ويسلم طرحك الراقي قصيده رائع بروعة قائلها لاهنت ياراجي وصل |
رد: كل ٍ وله بين المخاليق سيرة !!!!!!!!!!
اخي راجي الوصل بيض الله وجهك على هذه القصيده الوافيه بالعلوم اللي تنومس تقبل مروري وتقديري اخوك بن حمدان |
رد: كل ٍ وله بين المخاليق سيرة !!!!!!!!!!
(موسى) طلب (هارون) يصبح وزيره أعجبني كثيراً هذا الشطر واستشهدك فيه بقصة النبي موسى عليه السلام واخيه هارون عليه السلام قصيدة رائعه صح الله لسانك انتظر جديدك بارك الله فيك |
رد: كل ٍ وله بين المخاليق سيرة !!!!!!!!!!
صح الله لسانك
|
الساعة الآن 12:36 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية