|
الاسطورةسعد بن جدلان
يقول الشاعرالاسطورةسعد بن جدلان(رحمه الله)
عطني ياهاب الريح مـن وقتـك شـوي وأسمـع كلامـي كـان مــا بــه كلـوفـه سخر جهودك فـي رضـا الواحـد الحـي والـفـرض لاتـغـفـل مـــن أول صـفـوفـه لاتـمـنـع الـنـاصـح لـيــا قـــال يــاخــي خـــذ مايـفـيـد وزايـــد الـهــرج طـوفــه لاتـطـرد المـقـفـي ولاتـشــاور الـعــي قـــدام يـاكـلــك الــنــدم والـحـسـوفـه تــرى حكـيـم الـشـور يـاخـذ ويـعـطـي نفـسـه مــن الــراي الـدنـاوي عيـوفـه ولاتقـرب الشبـهـه ولاتـخـاوي الـسـي عـلـيــك بـالـلــي طـيــبــات وصــوفـــه من رافق الطيب شـرب صافـي المـي ومـن رافـق الهافـي جفـا المـا كفوفـه ولاتنـكـر الـمـعـروف لـــو أنـــه شـــوي مـــن قــــدم الـمـعــروف رد مـعـروفــه وأدمـح خطـا الطيـب ليـاصـار مخـطـي وأقــبــل مـعـاذيــره وقـــــدر ظــروفـــه ولاتـنـهـر الـمـحـتـاج لاجــــاك مـبـلــي خـسـارة فــي فـعــل خـيــر مخـلـوفـه وأطلق حجاجـك لاأقبـل الخاطـر وحـي بـشـاشـة الـطـيـب كــرامــة ضيـوفــه تــرى الكـريـم مـعـان بالخـيـر مـرهــي مــن يـتـرك المـاجـوب جـعـلـه ذلـوفــه لاتـقـطـع الـرفـقـه ولـــو حبـلـهـا لـــي حبـل الـرفـق مــن يفلـتـه بــان خـوفـه رجـل بـلا ربـعـه مــن الـنـاس مجـفـي لابــــد صــكـــات الـلـيـالــي تـحــوفــه واللي في عينه مايشوف البشر شي تـرى البـشـر فــي عيونـهـا ماتشـوفـه ومـن عـوده حظـه عـلـى بــارد الـفـي لابــــد لـفـحــات الـسـمـايـم تـلــوفــه ومن ساقته نفسه على سكـة الغـي صـعــب عـلـيـه لـيــا تـمــادى نـكـوفـه تــرى الليـالـي تـطــوي أيـامـنـا طـــي يالله بـحـســن الـخـاتـمـه والـمــروفــه |
رد: الاسطورةسعد بن جدلان
مساكم الله بالخيرات الحمدان وإختيار شفيف للشاعر بن جدلان -الله يرحمة ———— وله أيضاً : ياعيون اللي على المرقب تعلاّ = مايرب الا المراقيب الطوالا طرتّك منها غثاء البال يتجلاّ = نعسٍ مابينها بيضٍ تلالا تذهل إلّي في جواهرها تحلاّ = واهني من ذاق من ريقك زلالا لا وجاه الله ومنّ زكّى وصلاّ = مانبيك الاّ على السنّه حلالا مايرّد الجوع شخبٍ في المفلاّ = ولا يخضّ السعن من ذوده هجالا أنت غالي ياوليفي لا تغلاّ = يثبت الليّ بيننا ايامٍ طوالا واللهّ انّي ميسٍ من وصلك الاّ = فزعةٍ من ربنا جلّ وتعالا أدخل الضولات من شان أتسلاّ = كود جرح القلب يبرى ويتشالا والمجنّب من الأوادم مايخلاّ = لاسلم من شرّ ذولا ..جوه ذولا شكراً بحجم السماء ود @جاهله@ |
رد: الاسطورةسعد بن جدلان
وله أيضاً : المعروف لايعرف ياوليفي دمعكم في غيابي ردّ لي = وأدري انّ دمعتك خوفٍ عليّ ومن غلاي أنت ممرضني وأشوف المرض فيكم وفيّ = الهبوب البارده منّك هبّت في حشاي والله انّ كبدي عليكم عراويها أضميّ = والمشارب غير هرجتك ماتقطع ضماي كيف تستغرب بطاي ومجييّ يوم أجيّ = منك اجيك أبدون رأيٍ وأروح ابدون رأي ليلي أسهر به والا جاء النهار أشلى شوّي = مرتٍ أشلى ومرٍ يعاودني بلاي وأنت سبّة كلّ شي ولا داويت شيّ = كيف ياقادر على داي ماتقدر دواي بعد ما شتتوّ الفكر وأخليتو يديّ = كثرت أعلوم الشماميت وأفرحتو عداي مابعد جاني من يوم التقو بي والديّ = ولابعد مرّ المحبين منّ حوّاء وجاي لوّ خبر به حيّ يبكي على فقدان حيّ = كان يمدي من عرفني يشاركني عزاي جعل يسقى يوم كان الهوى ماغير غيّ = فأول الرحله مثل مبتداك ومبتداي منقووول @جاهله@ |
رد: الاسطورةسعد بن جدلان
اخي الحمدان حياك الله
وشكرآ على حضورك واختيارك لهذا الشاعر المميز وألاسطورة رحمه الله رحمة واسعه كما نشكر اختنا نوال الشمراني على جميل حضورها وأختيارها |
رد: الاسطورةسعد بن جدلان
الأخ الفاضل أبو تركي
شكرا لك لمرورك وفقك الله لكل خير وبارك فيك واسعدك |
رد: الاسطورةسعد بن جدلان
الأخت الفاضله نوال الشمراني
اضافات ومداخلاتك دائما جميله بمعنى الكلمه فشكرا لك لمرورك وفقك الله لكل خير وبارك فيك واسعدك |
| الساعة الآن 05:33 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية