يبه انا من بعدك أبو التناهيت
يبه وأنا بعد اثنعش عام حسيت
اني قدرت أقول شي كتمته ابطا قصيدي ماانكتب فيك وابطيت اجر صوتي وارجع اجر صمته **** ماودي اكتب بيت واندم على بيت ماهو بشعر الشعر كاني زهمته الشعر كان من حناني ياما جيت أن ماعزم مرثيتك ماعزمته **** أن ماكتبته بأزرق الدمع وابكيت كل الجروح المبطية مارحمته يبه انا من بعدك أبو التناهيت مامر طعم للحزن مانهمته **** يبه يبه كلمة وانا كل مااوحيت كلمة يبه صديت والوقت لمته يبه يبه كلمة وانا كم تمنيت اهدم وابني بها اللي هدمته **** يبه وأنا لاضقت رحت وتهجيت ركون بيت ضم حلم حلمته يومك تعلمني إلى من تحاكيت درس الحيا ه اللي كبرت وفهمته **** هناك كانت دلتك لاتقهويت وهناك كان ساق طيب حشمته وهناك أي اذكر هناك خليت طفل ملا بالدمع درب رسمته **** هناك جاني علمك انك توفيت وهناك خاويت الشقى واحتزمته كف القصيد وطاح شعري ونظمته لكن بعد صمت اثنعش عام حسيت اني عجزت اقول شي كتمته |
كلام جميل ابداع
تسلم لاهنت تقبل مرورى |
احسنت وماقصرت
تقبل مروري وتحياتي |
اشكر مروركم الكريم يالغالين
|
الساعة الآن 11:15 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية