منتديات قبائل شمران الرسمية

مقتطفات شعــرية ....!!

أبيض من الدمعة برمش اغترابي
قلبي ولا يحقد على إنسان ياريم

يمكن رجا النفس الطموحه سرابي
وأجبرني أمشي سكـة كلها غيم

أو طيب قلبي بالمشاكل رمـابي
ودفعت ناتج غلطتي دون تحكيم

ويمكن ظلمني مجتمع ما درابي
ياما بسجن الشــك ناس مظاليم

=====

قلبي الي من الحرمان علّ ورويته
فاض بيتين وأزرى من عذابه يكمّل

أجزل الطيب طيب لافعلته نسيته
لا إرادي تجود ولا إرادي تجمــّـل

وأطيب الناس رجل لابغيته لقيته
يــرتكي للمصايب وإن توالت تحمّل

====

في دربكم يا راحلين مناكيف
تالي ليالي القيظ وأول خريفـه

ردوا سلام اهل القلوب المواليف
على الوليف الي نشد عن وليفه

ردوه لعذوق النخيل المهانيف
وعلى البيوت الي بوادي حنيفه

دار لها بالقلب عشق وتكاليف
ياعل عين ماهوتها كفيفه

طبنا وشبنا واتعبتنا المشاريف
والمرقب العالي هبوبه عنيفه

ياواردين العد كفو المذاريف
اللي بقى دمع هماج ذريفه

ياحظ من لاعرف من هو ولاشيف
ان طاب يحمد وان تردى بكيفه

وحنا ورثنا العز عظم وغضاريف
لا ماورثنا العز تاج وقطيفه

=====

شاعر وذنبي غير وسكوتي اجراس
ونفسي على ما الله عطاها فقيره

من كثر ما اعطي حب واخلاص واحساس
انا ما عاد اعرف وشلون اصيره

في عقلي الباطن عقيده ونوماس
وفي واقعي خوف وتردد وحيره

هل ياترى ببني على حلمي أساس ...؟
ام ياترى بابقى على هالوتيره

والافلااس ماهو من حلم ..الافلاس
اذاك ماتملك لنفسك بصيره

الرب اذا تحتاج له صرت نبراس
والادمي لا احتجت له صرت اسيره

الانسان لو يملك من الجن حراس
احقر ذبابه قادره تستثيره

صغير الادراك وصغير الياس
يشوف كل الناس مثله صغيره

كل ما اكتشفت من الاصاحيب بلاس
اقول يالله جعل في الامر خيره

خيره اذا تعرف من اصحابك اخساس
خيره ولكن ياعساها الاخيره

اقسى جروح الناس تغلبه بنعاس
مايذبح الانسان الا ضميره

بعض البشر مثل ابتسامات الاعراس
على كثر ماهي مثيره ضريره

وحيد ولاعندك من الناس جلاس
اخير من شر الكلام وسعيره

والكل مايخلو من اخباث وادناس
في كل نفس هناك حاجة حقيره

فمن قبل ما اسوي مشاكل مع الناس
عندي معا نفسي مشاكل كثيره