منتديات قبائل شمران الرسمية - أحسن ولا تبكيني القمريّه

- ديوان الشاعر علي سعد ظافرالشمراني (http://vb.shmran.net/forumdisplay.php?f=80)

- - أحسن ولا تبكيني القمريّه (http://vb.shmran.net/showthread.php?t=12447)

أحسن ولا تبكيني القمريّه

وحدي انا ومخدّتي واحزاني
واحلامي المغروره المنسيّه

ارتّب افكار القصيد الفاني
واكتب على مستقبلي مرثيّه

واشكي غرابيلي على ديّاني
واقول وحدك عالم(ن) بالنيّه

اعطيت واجد والزمن ما اعطاني
وقدّمت ماتقدر عليه ايديّه

يارب عيّا يعتدل ميزاني
يارب فرّح نفسي المبليّه

واصبحت الحّن هم بعد الثّاني
الين بان النّور في الصّبحيّه

سمعتني امّي يوم اجر الحاني
جتني تقول اسمع .. وتصرخ فيّه

لا تشتكي ما يشتكي شمراني
لو تنطبق جدّه على الشّرقيّه

قلت ابشري بي يالغلا الربّاني
بس انّي اشكي همّي لموليّه

تدرين حظّي طاح بين اخواني
والملهمه راحت فـ شربة ميّه

يمّه لعنت البارحه شيطاني
وقريت لي كل آية(ن) قدسيّه

بس التّعب والله ماخلاّني
والين ماجيتي وناره حيّه

من وين ايمّم وجهتي يلقاني
ومن كل ركن يقول ياللّه حيّه

الغربله ماودّها تنساني
والسالفه من عام هيّه هيّه

يمّه انا ما ابغى تهيض اشجاني
واصبح حديث السّاحه الشّعبيّه

اموت ما احد يدري بعنواني
احسن .. ولا تبكيني القمريّه

علي سعد ظافر الشمراني

يعطيك العافي أخوي " علي سعد ظافر "

على هذهـ القصيده الممتعه من بدايتها إلى نهايتها

أعجبني فيك شكواك لله قبل أي أحد والله يفرج همك وكربك ..

القصيدة رائعه بما تحتويه من الأحزان الا ان فيها روحا من التفاؤل

اقتباس:

لا تشتكي ما يشتكي شمراني
لو تنطبق جدّه على الشّرقيّه

بيت كان غاية في الروعة أخوي علي

لآ هنت على القصيدة وجمل الله حالك ,,

ـاخوك / صالح عسكر


	ابو سعد تغيب متعمداً بهذا الغياب وماأن نشتاق لك ونبدأ في طرح التساؤلات عن مكانك وسبب غيابك إلاّ وتبزغ شمس حضورك الجميل بماتعودناه منك فهذه القصيده ليست سوى غرفة واحده من حوض إبداعك. إعجابي فيما قدمت يفوق خربشاتي. لك مني تقديري وجزيل شكري

صح لسانك يابو سعد

كما انت مبدع دائما

قصيدة رائعة

لاهنت ودمت بود

قصيده رائعه جدا جدا اعجبتني برغم من مافيها
من الحزن والم ولاكن يحليها الشكوى لله
صح لسانك

صح لسانك
واتمنى ان لاتغيب كثيرا

قصيده رائـــــعه والله يعطيك ملــيون الف عافيه ..

الله يبيض وجهك

بس التّعب والله ماخلاّني
والين ماجيتي وناره حيّه

من وين ايمّم وجهتي يلقاني
ومن كل ركن يقول ياللّه حيّه
لله درك من شاعر
اسجل اعجابي بهذه القصيده الحزينه والرائعه

الله عليك يابوسعد
شهادتي فيك مجروحه مدري يمكن عشان اني احبك حب خاص فالله
هذي صاروخ ضرب على الجرح وبس

صح لسانك قصيده رائعه فيها مناجاه الرب وعتاب الام الغاليه
تقبل اعجابي

طيب طيب يابوسعد رائعه هذه القصيده
صح لسانك بعد طول الغياب

صح لسانك يابوسعد لك وحشه

شاعر بكل ماتحملة الكلمة من معنى

صدقني استمتع بقصايدك

تقبل مروري

شكرا لكل من شرفني بمروره ...
تحيتي للجميع..