منتديات قبائل شمران الرسمية - محاورة ابن جدلان وابن علوش

- المنقولات الأدبية (http://vb.shmran.net/forumdisplay.php?f=153)

- - محاورة ابن جدلان وابن علوش (http://vb.shmran.net/showthread.php?t=79739)

محاورة ابن جدلان وابن علوش

ابن جدلان وابن علوش
ومحاوره من طراز فاخر

سـعــد بـــن عــلــوش
يابن جـدلان والدنيـا مداهـا طويـل
ياعسانـا مـن اللـي يكسـب الاخـره

الصعاليـك سيّـاد الـكـلام الجمـيـل
العبوا فـي شفـوف العالـم الفاخـره

سـعــد بـــن جــــدلان
يابن علـوش ياوجـه الرضـي والدليـل
جامع كـل زوج اثنـان فـي الباخـره

مايقـول الفقيـر الا الكـلام القلـيـل
من معه ذخـر مـدري لينتـى ذاخـره

سـعــد بـــن عــلــوش
ماتقطـع وصـل ولا الرجـا مستحيـل
من زخر جاتـه ورود العطـا زاخـره

دام وجهك طويـل ودام سيفـك صقيـل
اقطع السان راعـي الكلمـة الساخـره

سـعــد بـــن جــــدلان
اه مـن سالفـة هابيـل والا قابـيـل
ياسعد انت فادنـى البحـر والا اخـره

كانت الجند في المقدس تحـط وتشيـل
وابـن داوود ميـت والعصـا ناخـره

سـعــد بـــن عــلــوش
هذي عادتك يالراس الشنـوح العليـل
تلطم الشاي من قبـل تهـدي الباخـره

كان ما انت بعلى على منوك تحيل وتعيل
مالله بسايقـه يـمـك ولا صـاخـره

سـعــد بـــن جــــدلان
ماورى النار للظاميـن مـن سلسبيـل
جمعـي مامضـى يالكلمـه الفـاخـره

عاد صدري وسيع وعاد صبري طويـل
لكن احـذر غبـاب المـوج ياماخـره