منتديات قبائل شمران الرسمية - حرام عندكم مو عنَّـــا ......

السلام عليكم ورحمهـ اللهـ وبركاتهـ ...

بتكلم لكم عن سالفه صارت لـ /خالتي

الموقع / قاعه نياره

الوقت / بازار الجمال والاناقه

كانت خالتي تتمشى في البازار الي معروف ان اكثر محلاته تكون مالها فرع الا بلبنان او في الرياض فقط يعني معارض كشخه وجديده

المحلات راقيه وبضايعها دايم غريبه و يكون فيها عرض ازياء وعروض للمكياج وكل شي يختص بالبشره والشعر والجمال بشكل عام

وهي تتمشى بالمعرض شافت محل غريب

محل كله شعر .. شعر طويل .. قصير .. اشقر .. اسود ..... شعر كامل او خصل

رفعت راسها تشوف اسم المحل (( .......... للشعر الصناعي ))

يعني بالفصحى ......... شعر توصـــــــــــــــــــــيل

خالتي انهبلت

توصيل شعر = لعن وطرد من رحمه الله

والدليل ..

عن أسماء بنت أبي بكر .. قالت : جاءت امرأة إلى النبي .. فقالت يا رسول الله إن لي ابنة عُرَيِّسًا أصابتها حصبة فتمرق شعرها أفأصله ، فقال ( لعن الله الواصلة والمستوصلة )
رواه مسلم ــ كتاب اللباس والزينة ــ رقم 3961

قالت للبائعه ( لبنانيه ) انتي تعرفين ان الي تبيعينه هذا حرام وتدخلين في الحديث واللعن بكل جــــــــــراءة وعين قويه قالت : حرام عندكم مو عنَّـــا

حرام عندكم مو عنَّـــا .. ومدامك تعرفين انه حرام عندنا يا( .... ) ليه جالسه تبيعينه عندنا قالت شوفي كيف الزباين الي عندي وتعرفين ليه ابيعه

مشت خالتي وقالت اللهم اني بلغت اللهم فأشهد

انتهى

بنات بنات بنات

شفتوا كيف هذي تجرأت على دينا وفي ديرتنا تدرون ليه !!

لان الحريم للاسف ماوقفوها عند حدها ... لان الحريم ماعطوا الدين حقه

الا بالعكس شجعوها وصايرين مثل النمل عند محلها

ليه الاستهانه بالدين ليه ياناس ليه يابنات ... يعني خلصنا من النمص

قال النبي صلى الله عليه وآله وسلم ( لعن الله النامصة و المتنمصة ، و الواشمة و المستوشمة ، و الواصلة و المستوصلة ، والمتفلجات للحسن ) رواه البخاري

وطحنا بالوصل

اكيد الي استهان بالاول مافي شي يمنعه من الثاني

كلمه لــــــــعن من الله ...اكيد مافي شي بيخوفه

معنى اللعن /إن اللعن يعني الطرد والإبعاد من الخير أو من رحمة الله تعالى

انتم مين ؟؟؟

انتم مين ؟؟؟

متكبرين على رحمه الله ؟؟

مستغنين عن خيره ؟؟

وش الرد لما بكره يسألك الله ويقولك : مين احسن خلقتي ولا خقلتهم ؟؟؟؟ وش بيكون ردك يومها

انتم ماتدرون ان هذا أمر إنما هو طاعة الشيطان و معصية الرحمن ، وهذا هو الشيطان يُخبر الله عنه بقوله { ولأمرنهم فَلَيُغَيِّرُنَّ خَلْقَ اللَّهِ } (النساء: من الآية119) و خلق الله هي الفطرة التي خلق الله عليها الإنسان .

اللهم اني بلغت اللهم فأشهد

نقلتهـ للعبرهـ والفائدهـ واللهـ يهدي الجميع......