النَّاي الْحَزين
النَّاي الْحَزين https://www.albayan.ae/polopoly_fs/1...mage/image.jpg شعر: مريم النقبي فِيْ عِيُوْنِيْ دَمع حَايِرْ مِنْ سِنِين وْفِيْ فِوَادِيْ غِصِّةٍ مَا بِحْتِهَا وِالْغُمَامه اللَّى غِشَتْ عَين وْ جِبِين حَـــانْ وَقْـــــت ٍ بِهْ قِوِيْت وْ زِحْتِهَا والْهِمُوم اللَّى نِصَتْنِيْ كِل حِين مِنْ وِسِطْ صَدْرِيْ أنَا سَرَّحْتِهَا كِلّ مَا قِلْت أنَّهَا بَاكِرْ تِزِين تَمْسِيْ جْرُوْحِيْ وَانَا صَبَّحْتِهَا والْمَشاعِرْ لَى بِهَا قَلْبِيْ يِدِين كَم لَيْلِهْ زَادْ شَوْقِيْ وْ صِحْتِهَا كِنْت أظِنّ الْقَلْب صَامِلْ مَا يِلِين لَيْن شِفْـتِكْ وِالْخِطَى زَحْزَحْتِهَا وْقِصِّتِيْ لَى إسْمَهَا (النَّايْ الْحَزِين) فِيْ خَيَالِيْ صِغْتِهَا وْمَسْرَحْتِهَا كِلَّهَا وَجْد وْ تِفَاصِيْل وْ حَنين وْلاجِلْ تِرْضَى زِدْتِهَا وْنَقَّحْتِهَا فِيْ زِوَايَا الذَّاكِرِهْ عِطْرِكْ خِنِين وْذِكْرِيَاتِكْ مُول مَا بَارَحْتِهَا آنَا عِنْدِيْ حَدس وِايْمَانْ وْيَقِين إنّ لِكْ أسْرَارْ مَا لَمَّحْتِهَا وْفِيْ عِيُوْنِكْ دَمع حَايِرْ مِنْ سِنِين وْغِصِّةٍ بِالْقَلْب مَا قِدْ بِحْتِهَا |
رد: النَّاي الْحَزين
ريهام خالد قلمك يملكـ الاحساس و الاحرف الجميلة اختياررائع سلمت اناملك على كل جديد تتحفينا به استمتعت بالمكوث هنا |
رد: النَّاي الْحَزين
دائما متميزة في الانتقاء سلمت على روعه طرحك نترقب المزيد من جديدك الرائع دمت ودام لنا روعه مواضيعك لكـ خالص احترامي |
رد: النَّاي الْحَزين
كلمات جميلة طرح مميزتسلمين....... ننتظر جديدك بكل شوق اعذب التحايا لك |
رد: النَّاي الْحَزين
جميل جدا
اختيارك رائع كماك شكرا لك ارجو لك دوام التوفيق وبانتظار جديدك لاعدمتك |
رد: النَّاي الْحَزين
شكرااا لكم على مروركم الجميل اطلالتك رائعة لكم ودي وتقديري https://www.dreamboxgate.net/forum/i...ox-sat.com.gif |
الساعة الآن 11:17 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية