منتديات قبائل شمران الرسمية - لاقلت تكفى فـز لـي ألـف رجًـال

- المنقولات الأدبية (http://vb.shmran.net/forumdisplay.php?f=153)

- - لاقلت تكفى فـز لـي ألـف رجًـال (http://vb.shmran.net/showthread.php?t=52680)

لاقلت تكفى فـز لـي ألـف رجًـال

لاقلت تكفى.. فـز لـي ألـف رجًـال
ذيبٍ و ربعـي كـل ابوهـم.. ذيابـه

ادري.. ولكنَـي علـى الحال..أحتـال
مثـل المُسـن اللـي تصنًـع شبابـه

لا من نشدني صاحبي كيف الاحوال؟؟
عقلي تبرمـج دايمـآ .. بالإجابـه..

أبشَرك مبسوط.. ويسـرًك الحـال..
واحاول اخفـي ضيقتـي.. بالذرابـه

و انا لهـا.. والمتـن للحمـل شيًـال
والقلب .. غير الله مـا احـدٍ يهابـه

أضعف.. و امثَل قوتـي.. زي تمثـال
شامخ.. ولو هالراس بالجد.. ما بـه

إلا.. ضغوط.. و زعزعة فكر.. وآمال
وصراع ما بيـن الفـرح.. والكأآبـه

والحين انا.. لياقتي بالصبر .. عـااال
لو كل مـن حولـي نهشنـي بنابـه

ما اقول تكفى.. بس .. لو قلت!! تنقال
لك.. يا بعـد كـل الاهـل و القرابـه

لك يا شعور العز.. و الجاه.. و المال
والذوق.. و الفكر النقي.. و الحبابـه

انا اشهد ان ما كـل الازوال... ازوال
و لوها تشابه.. انت ما لـك مشابِـه

إنت الغلا.. وانت السعد.. وانت الآمال
وانته دعاء امي.. بوقـت استجابـه

عقلي.. بنا لك داخـل القلـب منـزال
تسكن و ما احدٍ قبل مشيك.. مشى به

ملاذ روحي لا بلا الحـال... زلـزال
و إن ضاق وقتي شفت.. فيك الرحابه

بطلبك.. يا عشقي.. و يا رااااحة البال
ارجوك.. و بجاه النبـي و الصحابـه

انك تغاضى... لو بدى منـي اهمـال
و عقلي سرح.. في عزلته.. و ابغيابه

في عزلتي.. ابحث مخارج.. و مدخال
و احاول اكشف حل..!! و انزع نقابه

آسرني الهوجاس والفـال.. مـا زال
اقشر.. و هالهوجاس.. ينهب نهابـه

مشغول في نفسي.. و لانيب محتـال
والله يجعـل كـل ضيـق... ابثوابـه

هذا اعتذاري قول.. وإبشـر بالافعـال
والله.. لاعوًض خافقك مـا عنـا بـه

خالد.. التويمي