مقتطفات شعرية
 

‏علّمو راعي الغيبه وقولو له
لا يمغّط لـسـانـه كل ما غبنا

حن لنا سمعةٍ ماهيب مجهوله
وهرجةٍ في قـفـانا ما تعـيّـبنا

لا هو بحولنا ولا حن بحوله
ليته يعرف حجمه ويتجنّبنا

كلمة الحق لو ما قال مقيوله
والمواجيب عنها نموت ما تبنا

سلمان بن دبسان
- - - - - - - - - - - - -

‏لك الحمد ياربي على كل علم ٍزين
ولك الشكر ياربي على كل ما نكره !

عسانا ياخالقنا فما تكتبه راضين
وعسانا من اللي يلهمه خالقه ذكره

وعساها ليا حانت موضين ومصلين
ونقول الشهاده لحظة النزع والسكره

رفعنا يدينا ياعظيم العطا راجين
وشكرناك يامن قدّر الزود في شكره

‎شافي البيضاني
- - - - - - - - - - - - -
‏وجودي على روسً تقافت بها الايام
زحول الدهاه اللي على قد اساميها
.
عداة المجامل ماتعامل ردي الخام
تروم المعالي والمعالي هقاويها
.
زمنا زمنا ماتغير يابو لزام
لكن البشر صارت تغير مباديها
.
وجيه المجامل لو تفاخر عليها وشام
تموت النعاره عند رجلاً يخفيها
‎مدله الضميان
- - - - - - - - - - - - -

‏كل واحد وده انه بذا الدنيا سعيد
والحياة جهاد تبغى نفوس مثابرة

غاية الرجل الإجابي يفيد ويستفيد
فطرة في الروح مأحدٍ عليها جابره

نظرته للخير ويقدم الراي السديد
ولاذخر عن موقف الطيب شئ خابره

يترك الأشياء الزهيدة لراعيها الزهيد
تكشفه سود الليالي وتاطا صابره

محمد القت

رد: مقتطفات شعرية
 

رد: مقتطفات شعرية
 

تسلمي غاليتي نسيم الليل
اسعدني مرورك الجميل
وتعقيبك الرائع والمميز
لك مني أجمل تحيه وتقدير لاعدمتك

رد: مقتطفات شعرية
 

مقتطفات رائعه


http://img.5jle.com/uploadcenter/upl...1363097516.gif

رد: مقتطفات شعرية
 

رد: مقتطفات شعرية
 

هلا بالاخت الغاليه
اللؤلؤة
شكرا لك على تعقيبك
وتواجدك بمتصفحي
وفقك الله لكل خير وبارك فيك

رد: مقتطفات شعرية
 

هلا بالاخت الغاليه
شمرانيه الروح
شكرا لك على تعقيبك
وتواجدك بمتصفحي
وفقك الله لكل خير وبارك فيك

رد: مقتطفات شعرية
 

رد: مقتطفات شعرية
 

هلا وغلا بالاخ الغالي ومديرنا الرائع
ابو حوفان
مليون تحيه وتقدير لحضورك الدائم
والمستمر بمتصفحي أين ماوجد
وفقك الله لكل خير وبارك لاعدمتك