|
شمران قوم الضرب والطعن والخيل
السلام عليكم ورحمة الله وبركاته ... سلام ياشمران ياصلكم واحد واحد سلام تحمله المزون الهماليل امحمّلات الودق كودن تشيله يلفي ديار الربع بالصبح والليل يضحِك شفاه البيد من بعد سيله والعلم ردّيه بها زود تبجيل باندى غصون القاف واحلى خميله لهل الشكاله خلها تاج واكليل في قدر عايض والسيوف الصقيله شمران قوم الضرب والطعن والخيل واهل المكارم والسلوم النبيله أهل العزاوي والعلوم التهاويل لامن تعلّى كل خيال خيله ولابه دوام الدهر شمراني بخيل دجلته باليسـرى ويمناه نيله قد قالها الكايد ولا فيه تأويل ولد العوامـر غير يوفي زميله والدار شرقيه وعيني على سهيل والقلب ماله ياهوى الروح حيله هذي خلاصه.. ماذكرنا التفاصيل في قـادم الأيـام بنمـيل مـيله وسلامة روسكم واعذروني على القصور والغيبه لكن مريت وحبيت أمسي علاكم |
الله يحييك ومساءك وصباحك شعر 00 والله افتقدناك يا الكايد وغيابك كايد وهذه الرائعه
لاتأتي الامن رائع مثلك 0 |
الله يبقيك يابوعلي ويعزك وعساك سالم وغانم .. تعيش يالنشمي |
صح لسانك يالكايد
وين افلحت يامسلم والله اشتقنا لك ولمداخلاتك ابدي اعجابي بالقصيده |
شمران قوم الضرب والطعن والخيل واهل المكارم والسلوم النبيله أهل العزاوي والعلوم التهاويل لامن تعلّى كل خيال خيله ولابه دوام الدهر شمراني بخيل دجلته باليسـرى ويمناه نيله صح لسانك ملايين يالكايد ولاهنت وبيض الله وجهك وما علاك زود يابن العم قصيدة رائعة من رائع منظومة كاللولو والمرجان لاهنت وكل القصيدة من اولها لاخرها عظيمة والحمدلله على السلامة ووما جبت الا الجميلة والغنيمة ياصلب العوامر تحياتي |
الكايد
الله يحييك ويحي ملفاك .. والف الحمدلله على السلامه عودتك لها منا السعاده والسرور. قصيده رائعه ووافيه مثل ماتعودنا منك الجمال والروعه في مدح عصابة راسك. أتمنى وأتمنى أن لايطول غيابك فقلمك له مساحته في قلوبنا |
صح لسانك يالكايد.... وينك والله فقدناكـ تو المنتدى ينور بوجودكـ..... قصيدهـ رائعهـ ..... |
الساهري دماوي حيل ابوحامد لاتحاول صحت أبدانكم وأبقاكم الله وبياض الوجه فالكم ....اشكركم على مروركم وترحيبكم كل باسمه الله يطيب أيامكم |
وانعم بك يا الكايد وانعم بالقصيده وممدوحها بيض الله وجهك ولا هنت
وعساك على القوه اخوك ابن مصحب الفزعي تقبل مروري وتحياتي |
سلمت وماعلاك زود وونعم بك يالكايد الحمدلله على السلامة ياغالي وأتمنى أشوف اسمك ومشاركاتك كل يوم ولاعاد تغيب احترامي وتقديري |
| الساعة الآن 01:27 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية