|
حـــوار التــعــســاء
اسعد الله مساء الجميع بالخير
من آواخر ماكتبت يتشرف بمصافحتكم يا خاطر ٍ ما ضاق غير إلا من وجيه الحثال ^^^ والسارق اللي متعب ٍ عمره ومضنيه الجشع والمشكله زاد العرب عنده ويأكل بالشمال ^^^ أكل أكل أكل أكل لكن حسافه ما شبع وش عاد نبغى فـ الثقافة دامها الدعوه ارتجال ^^^ والشعر روضه بين ديم الفكر وانهار ونبع نوابغ الفيزياء تثبت إن للطاقة مجال ^^^ وان الكثافة تنخفض لما الحرارة ترتفع واحنا مكانك سر ..لانؤمن بإطلاق الخيال ^^^ ومن التعاسه لا تحاورنا تقاذفنا القمع بين التشدد وانفتاح العلمنه.. شد القتال ^^^ جهابذة فكر تعارك.. والفضا ياما وسع والمشكله أن الحوار احيان يغشاه انحلال ^^^ والمشكله تكبر إذا بأسبابهم تكثر بدع يا ناس خلونا نعيش بلا توتر وانفعال ^^^ اكبر مصيبه فتنة ٍ في الدين والشارع شرع كتاب ربي جامع الأطياف وخيار الخصال ^^^ والرب له حكمه وسبحانه من الحكمه جمع آيات ٍ أعذب في معانيه من المي الزلال ^^^ وأحكام وأعراف وقصص والنور في جله سطع نبغى التآخي والتألف والمرونه في الجدال ^^^ والشمس ما يشبه سناها شبة أضواء الشمع يا حي هرج العاقل ليا جاك يضرب لك مثال ^^^ كنه يسلسل صف لولو وكن أحاديثه سجع لا جاك يهرج ما يثرثر بالسواليف الهزال ^^^ معنى جزاله والأدب والحلم في حكيه طبع لكن تجي لـ الصوب الآخر شي يدعو للخبال ^^^ أصوات تتضارب وسب ولعن وصداع ووجع توصل لحد القذف تكرم توصل لحد النعال ^^^ نقاش معدم لا يدر لسامعه فود ونفع سباع في كبر السوالف والشتايم والضلال ^^^ والله واعلم لو تجي للصدق ما تلقى سبع وما يفتل هروج الدمان الا مراجيج ٍ هبال ^^^ والرجل لا جا فيه زوده يجعل الواحد ربع وشلون ما يحشم مضامين ومواقيف الرجال ^^^ وشلون ما قد مر في باله كلام ولا سمع ان الإمام الشافعي قد قال واسمع ويش قال ^^^ (ما طار طير وارتفع.. الا كما طار وقع) يعني على هونك وإذا حظك تنكر لك ومال ^^^ اذكر نسانيس الرخاء ساعة وشأ فيك الطمع وان كان يغريك الرضاء والطيب والكسب الحلال^^^ مالك سوى التقوى وحث النفس وإجلال الورع والكبر جنّب مرقبه وأرقى على روس الطوال ^^^ واللي زرع دربه زهر ما يحصد إلا ما زرع وسلامتكم |
الله يعطيك العافيه يالغالي مشكووور وما قصرت الله يجمل حالك.....تقبل مروري
&المحروم& |
يا حي هرج العاقل ليا جاك يضرب لك مثال ^^^ كنه يسلسل صف لولو وكن أحاديثه سجع
لا جاك يهرج ما يثرثر بالسواليف الهزال ^^^ معنى جزاله والأدب والحلم في حكيه طبع ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ وان كان يغريك الرضاء والطيب والكسب الحلال^^^ مالك سوى التقوى وحث النفس وإجلال الورع والكبر جنّب مرقبه وأرقى على روس الطوال ^^^ واللي زرع دربه زهر ما يحصد إلا ما زرع **************************** سلمت وصحت لسانك يابو طهيفان أشهد أنها قصيدة رائعة من أول بيت الى أخر بيت أتمنى ان يقرأها كل كاتب أو شاعر في هذا المنتدى أعتبرها نصيحة أول من يقتدي بما فيها من كلمات جميلة (أنا) أشكرك أخي ابراهيم بن طهيفان وانا سعيد بتواجدك بيننا في هذا المنتدى تقبل تحيات اخوك.... الغـــــــ رجــــــم ـــــــريب |
الله يجمل حالك ويبيض وجهك
اخي العزيز (ابراهيم بن طهيفان) شاعر يسرنا ويشرفنا ان تكون لك الصفحات الاولى في هذا المنتدى وقبل هذا في قلوبنا ... لك مني كل الشكر والتقدير على هذه القصيدة المعبرة والرائعة تقبل تحياتي والله يحفظك اخوك: ابونايف الشمراني |
ان الإمام الشافعي قد قال واسمع ويش قال ^^^ (ما طار طير وارتفع.. الا كما طار وقع)
يعني على هونك وإذا حظك تنكر لك ومال ^^^ اذكر نسانيس الرخاء ساعة وشأ فيك الطمع الشاعر القدير أبراهيم صح الله لسانك كم انتظرنا هذه الطله تقبل أعجابي وتقديرى |
شاعرنا الغالي
صح لسانكـ كلمات و لا أروع إحساس جميل شكرا ً لهذا البوح الراقي و دام نبضك |
الشاعر / ابراهيم
صح لسانك يالغالي وتسلم يمينك على هذه الكلمات لك مني الاحترام والتقدير ولا تحرمنا من جديدكـ |
الشاعر / ابراهيم صح لسانك يالغالي وتسلم يمينك على هذه الكلمات لك مني الاحترام والتقدير. أخوك. لاني ميت ولاني حي... |
بيض الله وجهك والله يعطيك ألف عافية
|
الله عليك ضربت على الجرح صح لسانك وتسلم
|
| الساعة الآن 10:48 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية