منتديات قبائل شمران الرسمية - إذا المراجل لبسة شماغ وعقال

- المنقولات الأدبية (http://vb.shmran.net/forumdisplay.php?f=153)

- - إذا المراجل لبسة شماغ وعقال (http://vb.shmran.net/showthread.php?t=50772)

إذا المراجل لبسة شماغ وعقال

إذا المراجل لبسة شماغ وعقال
قل للعذاري يلبسن العمايم

ما عاد يفرق زول حرمة ورجال
دام الفعايل تشبه البعض دايم

المرجلة ماهيب كلمة وتنقال
وتروح ماراحت هبوب النسايم

ولا خشونة صوت أو رفع الأثقال
أو رزة صدور وفعل الزلايم

ولاهي بعد مفتاح موتر وجوال
وإلا ردى لسانن حديثة شتايم

المرجلة شيمة عن القيل والقال
رفيع نفسن حر بالجو حايم

المرجلة عقل وزن وزنه جبال
ودون العقل وش فرقنا والبهايم

يا مسندي لومايل الوقت بي مال
يا ولد أبويه ياعظيم العزايم

يا معرب الجدين من العم والخال
يا نخوة المفزوع وقت الهزايم

المرجلة ياخوي هي طولة البال
هي العزم هي الصبر فالظلايم

فيها الكرم عزة ودله وفنجال
فيها الكرامة عن ردى الطبع شايم

والدين لامنه خذا القلب منزال
مشى طريق الحق وإبليس نايم

ومن لا عرف ربه في طيب الحال
لابد وقت الضيق بالهم هايم

حتى صلاتك مع جماعات ورجال
في خيرها يا خوي نعم الغنايم

ولامن نصف ليلك قم صفي البال
يا عظم أجرك بين ساجد وقايم

ولا من رفع ربي له كل الأعمال
حسن الذكر لاقالوا فلان صايم

وخلك شريف القصد يا طيب الفال
سوء المقاصد فالبيوت الهدايم

واحذر تبيع النفس في دب الأنذال
وتتبع خوي إبليس راع النمايم

النفس خيل لك إذا كنت خيال
ومن لأقوى نفسه قوته الهزايم

ولاصرت ما تدري لوش أنت رجال
والله خسارة فيك ذبح التمايم

الشاعر...؟؟؟