قسم بالله
أبد .. ما جيت أبارك ولــكن جيــــت بأوصــيك على اللي ناويٍ تدخل بها الليلة .. "معذبتي" ترى لولا الظروف اللي عطتك وحدت محاكيك . قســم بالله ما تدخل عليــها لو على رقبـــتـــي ولكن النصيب أقوى ولا أدري ويش أسوي فيك نعم .. صارت معزّبتك .. ولا صارت مـعزّبتي كذا شـاءت بنا الأقــدار تحـرمني لأجل تعطيك كذا لازم عشان تفوز أنت ... وأخسر بتجربتي تراهـا غالـيه جداً ... وتـكــفى ... والله يخـليك تــدللــها ... تــدلــعــها .. تنسيها مصاحبتــــي أنا من كثر ما أغليها أحس إني بديت أغليـــك ولا تسأل بأية حق ..؟ ولا وش مــناســبـتـي لإنك لو بتسألني بتسمــع شيء ما يرضيــــك لذا يا خوي لا تسأل ولا تسمـع لأجـــوبـتــي أبيك تحطـها في داخل عيونك وبين ايديــــك .. وهي دلـــوعه اعتــادت على كثـرة مــداعبــتي فداعبها شوي شوي حـتى تشتهي طـــاريك وشاغبها إلين تقـول لك : بّطــــل مشاغــبــتـي وإذا هي مالها خلقك ولا تضحك ولا تسليك تحمّلها وإسألها : يا عمــري لــيه عصبـتـي..؟ وبالك أسمع أنك يوم تضربها وهي تشكيك ما يحتــاج أوري لــك بفــن الضرب موهـبتـي صحيح إنك بتملكها وعك العقد بالتمليـــك وأنا عــارف حـــدود الله ومن حقــك معاقبــتي ولكن قلّها المجنون وصّاني وهـــو يعنيــك . يقـــول إنه بينــتظرك ولـو شــيّـب وشــيّــبـتـي وأنا مجنونها اللي ما نساها وأنت ما يمديك تغطـّي ذكرياتي في هــواها .. وربــع تجربتـــي أحس إني تماديت بكلامي والغضب حاديك لو إنــك فـي مكاني ما تـفـكــّر في محـاســبتـي كفاك إني تركت الليلة أشغالي عشان أجيك . دخلت القــاعـة برجلي ولا أدري ويش عاقبتــي وأنا ما جيت أخّــرب عرسك الليلة ولا أذّيك أنا جيـتك عشـان أخاطبـــك وتسمع مخـاطبتــي توصـّى وانتبــه وإحرص عليها والله يهنيك ترى كل الكلام اللي طلع من ضـيقي وكبــّتــــي ولكن ما قدرت إني أقوله وأنت ما يخفيك أخاف إني إذا قلته تقــــوم وتـــقطع رقبـــتــــي وسلامتكم ( منقول ) |
رد: قسم بالله
بحق رائـــعه ,,,
شكراً لحسن اختيارك,, لاهنت,, |
رد: قسم بالله
اقتباس:
اقتباس:
بنت رجال شرفني مرورك تحياتي لك |
رد: قسم بالله
اقسم بالله انها قصيدة اكثر من رائعة وزن قافية صور شعرية موضوعها فكرتها
شكرا كثيرا |
رد: قسم بالله
ابوهياء
لاهنت على النقل الجميل تقديري |
رد: قسم بالله
مشكور على النقل وفقك ربي
|
رد: قسم بالله
قصبده رائعه وطرح ولا اروع تشكرا على جهدك
|
الساعة الآن 01:39 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية