منتديات قبائل شمران الرسمية - من نوادر بن طافر...قصيده نبطيه...."جدار الخوف "

- منتدى الشاعر محمد بن ظافر الشمراني (http://vb.shmran.net/forumdisplay.php?f=63)

من نوادر بن طافر...قصيده نبطيه...."جدار الخوف "

بسم الله الرحمن الرحيم

هذه احدى قصائد الشاعر محمد بن ظافر الشمراني

وهي قصيده نبطيه

جدار الخوف

ألا يازين عيني مـا بقـا فيهـا لغيـرك شـوف
تشوف الناس في صوتك وفي صورتك مخلوقين

لحد إني أهرّجهـم واشوفـك جـازع ملهـوف
تطالعنـي بعينـك وآتلفـت بيـن حيـن وحيـن

وصورتك بعيوني صارت أكبر من جدار الخوف
تتيه بلونهـا الزاهـي وتلفـت أعيـن الماشيـن

ومن خوفي لا يبصرك ويعرفك واشيٍ مكشـوف
أغمّض وأحضنك برموشي وبرضي أخاف تبيـن

لكنك ما ولا مـرّه ذكـرت الوالـه المشغـوف
وجاملته بكلمـه أو ولـو حتّـى بنظـرة عيـن

وأشعرته بذرّه من حنانك يا أهيـف السرجـوف
تعيد له الأمـل وترجّعـه فـي عالـم الحييـن

وش اللي بدّل أفكارك وغيّـر طبعـك المألـوف
وبدّل صورة الماضي الجميـل وغيّـر التلويـن

وش اللي رخّص الغالي وكنسل شيكه المصروف
وأخبرك إن مـا عنـده رصيـدٍ يوفـي التدييـن

وش اللي قالوا إلك الناس من شعرٍ بدون حروف
يحـرّك دقـة الوجـدان ويغنّـي بـلا تلحيـن

لحتى أنك نسيت المعرفه يـا لابـس المكلـوف
وهدّيـت بدقيقـه مـا بنينـاه بثـلاث سنـيـن

ولا بينت لي كرهك ولا أخفيته عـن الملقـوف
بيـن البينيـن تلعـب اللاعـب علـى الحبليـن

فرجاي إن كان باقي عندك إنسانيـه ومعـروف
تريّح طرفي الساهـر وترحـم قلبـي المسكيـن

تقبلو تقديري ..علي بن سعد الساهري..