جابر بن زهير - قصيده في عتق رقبة مهدي بن خلف الشمراني
السلام عليكم ورحمة الله وبركاته. .
هذي قصيده طلب منا لقبائل أكلب في عتق رقبة مهدي خلف ، بقلمي انا: جابر صالح الشمراني " بن زهير" من آل عامر باشوت شمران. أتمنى أن تساهم في عتق رقبته وأن تنال إعجابكم وها هي القصيده بين يديكم: ســلام مني يا أكلـب الهياله فرســان قومٍ تفــحم الخياله أهل الشيم والمرجله والطيبه يا مكرمين الضيف والجواله يا هل نسب منسوب للأبطالِ روس التغالب محتمين القاله يا أهل الجنابا والسيوف البِتّر وأهل البـنادق فالوغى نقاله أهل الفروسيه ولين الجانب لـطامةٍ لـلـقـوم و العـيـاله أهل التسامح والوجيه البيضا أهل الرجوله للـعلى منحاله من جالهم في حاجةٍ مخصوصه يـروح فـيديـنـه لزومٍ جــاله وبذن الله الوالي وانا بو صالح ما يخيب ظني فالشرف ورجاله أخـط هاجوســي وغلّق حبري فكــتبت بدمـوعٍ عليّ منهـاله دمــوع عيني واجد وهِمّالي على الذي فالسجن طايح حاله الموت ينظر له وربي عالم في أي ساعه تنتهي أعماله سِجن قوي عزوم وأصبح شايب وكبرو عياله ما اشتفى فعياله وأسباب هذي الحاله المشؤمه لعبه من إبليس الردي ونجاله غلطة عمر دفع ثمنها باكي وتشوب كِلمات الحِزن مواله مـــهدي خـلف منّا وحنا منّه و حنا خِــوانه كــلنا وأبنا له نتـوجه بجاه الله وجــاه الله ما ينـطـلب به حـاجةٍ زواله وجاه النبي الهاشمي الأمي اللي لذا الأمه بُعث برساله وبجاه حكام البلاد الطاهر اللي بحكم الشرع حِفظو جاله وبجاه شمران العناصي ربعه وربعي حماة بلادنا وجباله إن تعتقوا مهدي بطيب الخطر و إن تفرحوا ناسٍ بكت وعواله أقولها والدمع سال بكثره كنه مزون الصيف في هماله وإختامها ذكر الله الخلاقِ إعداد ما قيل الشعر بجزاله |
رد: جابر بن زهير - قصيده في عتق رقبة مهدي بن خلف الشمراني
بيض الله وجهك على القصيده
|
رد: جابر بن زهير - قصيده في عتق رقبة مهدي بن خلف الشمراني
اقتباس:
وجهك أبيض يا بو مزهر. . |
رد: جابر بن زهير - قصيده في عتق رقبة مهدي بن خلف الشمراني
صح لسانك أخوي جابر ... والله يخارج العم مهدي
|
رد: جابر بن زهير - قصيده في عتق رقبة مهدي بن خلف الشمراني
اقتباس:
هلا يا بو سعد وصح بدنك والله يسمع منك. |
رد: جابر بن زهير - قصيده في عتق رقبة مهدي بن خلف الشمراني
وعليكم السلام ورحمة الله وبركاته
ارحب تراحيب المطر اخي جابر بن زهير وبيض الله وجهك على هذه القصيده وصح لسانك ونسأل الله ان يفك اسر اخونا مهدي بن خلف |
رد: جابر بن زهير - قصيده في عتق رقبة مهدي بن خلف الشمراني
صح الله لسانك لحدود رضاك يا جابر
والله يفك اسر مهدي |
رد: جابر بن زهير - قصيده في عتق رقبة مهدي بن خلف الشمراني
صح الله لسانك يابو زهير
الله يفك أسر مهدي بن خلف |
رد: جابر بن زهير - قصيده في عتق رقبة مهدي بن خلف الشمراني
صح لسانك ونسأل الله أن يلطف بحال الشايب مهدي وأن يلين قلوب أهل الدم
الموت ينظر له وربي عالم في أي ساعه تنتهي أعماله سِجن قوي عزوم وأصبح شايب وكبرو عياله ما اشتفى فعياله الله المستعان مؤثرة |
الساعة الآن 07:12 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية