منتديات قبائل شمران الرسمية - يابو نصيحة مانبي لك نصيحه

- المنقولات الأدبية (http://vb.shmran.net/forumdisplay.php?f=153)

- - يابو نصيحة مانبي لك نصيحه (http://vb.shmran.net/showthread.php?t=62464)

يابو نصيحة مانبي لك نصيحه

يابو نصيحة مانبي لك نصيحه
تجارب الايام كفت و وفت

الواقع أصبح يستفز القريحه
لو الصحف طويت والأقلام جفت

ما عاد باقي غير الألسن صحيحه
جميع الأبدان الصحيحه توفت

أهل العقول الراجحه مستريحه
إن كان ما دارت عليهم ولفت

من يوم ما سوو جهاز وشريحه
لي قلب ناغزني ولي عين رفت

ما عاد أحد يحسب حساب الفضيحه
أغلب عقول المسلمين إستخفت

اللي تحسبه ضلع محد يزيحه
من وين ما لاح الفلاش يتلفت

يا مصورين الضيف عند الذبيحه
أوضاعكم صارت من الزفت لأزفت

مابه مديح بلا فعول مديحه
عنكم ركاب المدح من صبح قفت

أنا أعرف المترديه والنطيحه
حتى ولو تحت المشالح تخفت

المدح يزهى و العباره صريحه
( رجل ليا أركى للثقيلات خفت )

الشاعر .. رزين الثلابي