هذه قصيدة وجهها الشاعر / سعد بن عبدالرحمن بن مجبر
لأخيه الشاعر / عبدالله سعيد أبوحدرة ولد شاعرنا الكبير أبوماجد
وارجوا أن تحوز على رضاكم :

يابو خالد كل شي ن مقدر فالحياه
نقبله ونقول جعل الفرج ماهو بعيد
لا تطيع اليأس والصبر مفتاح الغناه
وأنت رأس ومن رجال ن لهم فعل ن مجيد
لو حصل في بعض الاوقات لبس ن وأشتباه
أنتبه تقنط من الله وتوقع فالوعيد
خيرة الله من توكل على ربه كفاه
خير من تلبيسة أبليس لقلوب العبيد
والمواقف للرجال الميامين العتاه
لأحتمى الموقف تجد رأيهم رأي ن سديد
خالد الله يحفظه واثقين ن من نباه
ما نشك بفطنته لا يزل ولا يحيد
نابذ ن للشر وأهله وتفكير البغاه
طايع لله ولولاة الأمر بما تريد
رغم صغر السن لكن ربه قد هداه
نسأل الله يحفظه من حبايل كل كيد
والرجال اللي معه خبرنا فيهم تقاه
للملك سلمان بقلوبهم حب ن فريد
والقصايد سعرها صدقها عند الرواه
صيدها في وقتها يختلف عن كل صيد
قلتها بالحب فيما نشوف وما نراه
يا خويي يا بوخالد يا عبدالله سعيد
والله أني صاحبك فالمدى مهما مداه
تنقص الأيام بأحكامها ولا تزيد

سعد عبدالرحمن بن مجبر