قصيدة عطيه بن حمدان العامري ( مثل الخوف )
إخواني رواد منتدانا العامر هاكم القصيدة التالية للشاعر /عطيه حمدان العامري (عشّاق ) ،القصيدة لها قصة وقالها أثناء ظروف حصلت له في فترة معينة وفيها تلهف وشوق وهي : يا حمامٍ ناح واشقاني هديل .. لا تذكرنـي بـمشـقيـني دلال .. لا تذكرني بماضينا الجميـل .. ماضي الحب الجميل بلا جدال هو سرابٍ لا شراب و لا مقيل .. ينعش الظامي ولو هو ما يطال أو خيالٍ لاح و المسرى طويل .. يسعد الساري ، ولو انّه خيال يوم غيري يشرب المـا سلسبيل ليه تسقيني من الهجر الزلال وصلنا كيف اعتبرته مستحيل و ابسط حقوق المحبين : الوصال يا حبيبٍ ما هقيت انه يميــل لين مال الحظ ، يوم الحظ مال ملت عن حبي و ضيّعت السبيل قصر حبٍ صار من صدّك رمال كنت مثل الخوف بعيون الدخيل ما لقا له من بني عمه رجال مثل شيخٍ ضاق ، واحتاج لبخيل ما يندي لو على موته ريال إن بغيت ابكيك دمعي ما يسيل و ان بغيت انساك نسيانك محال و ان بغيت احب والقى لك بديل ما لقيت لحسنك الطاغي بدال هات قلبٍ من عنا الدنيا عليل من قفص صدري خذيته باحتيال يمكن احيا به لغيرك ، لو قليل أو أصونه عنك ، عن ذل السؤال شوفني ما خنت حبك ، والدليل ... .. في رحاب الموت ، وافي ، لا أزال دام عذرك ما ارتوى منه الغليل وانتظاري ملني ، والصبر طال جدّد افراحي او اتركني قتيل لا تجاملني بكلمة في اتصال قولها .. واوعدك لاشتال الثقيل هو بقى لافراح لقيانا مجال ***************** |
رد: قصيدة عطيه بن حمدان العامري ( مثل الخوف )
صح الله لسانه
وسلمت يمناك ننتظر الجديد |
رد: قصيدة عطيه بن حمدان العامري ( مثل الخوف )
قصيده رائعه
فصح لسان الشاعر / عطيه بن حمدان العامري شكرا يابوراكان على هذ الطرح الجميل |
رد: قصيدة عطيه بن حمدان العامري ( مثل الخوف )
صح لسانه قصيده رايعه
ولك الشكر على النقل ابوركان |
رد: قصيدة عطيه بن حمدان العامري ( مثل الخوف )
صح الله لسانه
وسلمت يمناك ننتظر الجديد |
رد: قصيدة عطيه بن حمدان العامري ( مثل الخوف )
قصيده رائعه وصح الله لسان شاعرها
وتسلم يمينك على طرحها هنا لاهنت |
رد: قصيدة عطيه بن حمدان العامري ( مثل الخوف )
صحت ابدانكم جميع واشكرلكم مروركم العطر |
الساعة الآن 09:00 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية