|
** صورة مع التحية ..للخطوط السعودية.. **
بسم الله الرحمن الرحيم السلام عليكم ورحمة الله وبركاته تحية طيبة وبعد,,, أكيد أن فيه يوم من الأيام قد حصل لكم -ما أقول موقف- الا مواقف مع الخطوط السعودية.. فياليت كل واحد يا شباب يقرى هالموضوع يتحفنا بموقف صار له معهم.. وبدايتها من عندي لاني أصلا أنا نزلت الموضوع لأنهم بطوا كبدي اليوم ..:eh_s(11): كنت حاجز *أوكي* ورحت أقص البوردينق قالوا مع الباب:Emo_44:.. لان السيستم قفل.. وما عاد يمدينا نسوي البوردينق وتلحق الطيارة.. وأنا أصلا ما ني متأخر.. وصلت على الدقيقة 45 قبل الاقلاع يعني على آخر دقيقة للبوردينق.. بس شكلهم قفلوا النظام عشان يطلعون أهل الواسطات...:sha: وحنا لنا الله.. 2- موقف ثاني قد حصل لي في مطار بيشة رحت لهم أبي أطلع على الرياض وحجزي -انتظار- ولاأخذوا الانتظار.. بعدها في نفس اليوم مسكت خط العقيق.. وماخذلي حجز انتظار -طبعا كلها واسطات-:sha: على رحلة 5 العصر.. ولا أخذوا النتظار.. وأنتظرت للليل وراحت الرحلة ولا أخذوا الانتظار.. بس اللي لفت إنتباهي إني شفت ناس واجد حاجزين أوكي وبعوايلهم ولا طلعوا الطيارة..!!:0381: ورجاءً اللي عنده موقف يشرشحهم قدر المستطاع.. **نبغى تفاعل** |
رد: ** صورة مع التحية ..للخطوط السعودية.. **
أشكرك يا موج البحر ع هالموضوع الخطوط السعوديه ما فيه امل انهم ينظبطون الا بعد ما تجي شركه تنافسهم مواقفي مع الخطوط كثيره اذكر منها : 1 مره كنت ابغى احجز بالتلفون جلست حوالي ساعتين او ساعتين ونص وما احد رد في الاخير يوم رد قال الرحلات مقفله ..... بالله وش رايكم ؟؟ 2 ومره كان معي تذكره ابغى اغير خط السير حقها لانها كانت من الرياض الى ابها وابغى احطها الى بيشه قالوا ما تقدر تغيرها الا في المكتب الرئيسي اللي في المروج شارع العليا يوم رحت هناك الا الرياض كلهم هناك دخلت عندهم قالوا تعال بكره ما فيه ارقام .....يعني مثل هالحالات المفروض يكثرون فروعهم في الرياض خاصه لان والله انا نعني من كثافه سكانيه عاليه .. والمواقف كثيره لكن زي ما قلت ما راح ينظبطون الا اذا جت شركه تنافسهم . تحياتي لكمـ سلطان آل وافي |
رد: ** صورة مع التحية ..للخطوط السعودية.. **
والله يا اخوان المواقف كثيره زي ماتفضلتوا ومارا يتضبطون ابد ابد لأنها محتكره الشغله أما الموقف الي صار لي فهو في أيام عيد الأضحى كنت حاجز أوكي من الرياض إلى جده وقاص البوردنق وروح قبل الرحله بساعتين لأني أعرف مناكحهم بالذات أوقات الإجازات المهم كانت الرحله الساعه 8 مساءً ويجلس اخوكم من 8 إلى الساعه 5 الفجر وهم يقولون الحين الحين لكن بيني وبينكم هانت على مصيبتي يوم شفت ناس هناك لهم يومين وثلاثه قلت الحمد لله ركبت ورحت وراحت علي مواعيد كثيره كنت مرتب لها من جده الين ابها والسبب اختلاف موعد وصول الطائره إلى مطار جده من تحت راس الخطوط السعودي وسلامكتم |
رد: ** صورة مع التحية ..للخطوط السعودية.. **
مو غريبه ع الخطوط السعوديه هذي حركاتهم لانهم مالقوا احد يوقفهم عند حدهم
اذكر مره الوالد حاجز وقالوا له مافي حجوزات كلش فُل قام الوالد توسط بواحد وماقصر ويوم طلعنا الطياره فاضيه مافيها احد وش سالفتهم مدري بس اشك انهم شبعانيين فلووس هع والله لو ابوي يشوف موضوعك ينبسط لانه يبي يشرشحهم هههه كل الشكر,,, |
رد: ** صورة مع التحية ..للخطوط السعودية.. **
ياجماعة لهم سلبيات وايجابيات ونحن لانكاد نذكر الأ السلبيات
عموما يهمني فى الأمر النقد البناء بدون سب أو ذكر أشخاص والا سوف تحذف المشاركات والموضع أن حصل خروج عن المألوف تقبل مروري |
رد: ** صورة مع التحية ..للخطوط السعودية.. **
شكرا لك على طرح الموضوع
وهذا ليس بغريب على الخطوط السعودية أخطاءهم ىكثيرة والمواطن هو دائما الضحية |
رد: ** صورة مع التحية ..للخطوط السعودية.. **
والله هذي حال إخواننا في الخطوط السعودية تأخير بالفاضي
|
رد: ** صورة مع التحية ..للخطوط السعودية.. **
شـكــ وبارك الله فيك ـــرا لك ... لك مني أجمل تحية .
|
| الساعة الآن 01:53 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية