أنا ســــــعــــودي
أنا سعودي أعلنت في وجه الظروف التصدي = بكسر عناد الوقت وأقطع حدادي ماهو جديد إن وقف الوقت ضدي = بس الجديد أعلنت قمّة عنادي ياوقت فرّق بين هزلي وجدي = نويت والنية أحقق مرادي أبجتهد وأشوف لوكنت قدي = وأكيد بجني من ثمارأجتهادي أول أجاري الوقت وآقول عدي = مادام تمشي بالتساهيل عادي وأناأعرف أني ند من كان ندي = لكني أؤمن بالتحاد الأيادي مديت يدي كان لك شف مدي = قبل أمتطي فعلاً لصهوة جوادي ماعاد ينفع وقتها تستجدي = وأنا لها لامن دعاني المنادي أنا سعودي راية العز حدي = أجمل علم بالكون راية بلادي السيف فيها رمز ردع التردي = يرد به ظالم ويخشاه عادي أماالشهادة حق منع التعدي = والله وعد ( جنات خلد لعبادي يعني حياة بعز أكبرتحدي = في وقت كل(ن) غايتة إضطهادي وأنا أكتسبت العز من جد جدي = منهم تعلمت الوفا والمبادي نصر أو شهادة مالها حل ودي = قررت وأعلنت وبديت ابجهادي وسلامتكم ......... |
رد: أنا ســــــعــــودي
سلمت والله يحييك قصيده رائعه صح الله لسانك وننتظر منك المزيد
|
رد: أنا ســــــعــــودي
رائع ... بارك الله فيك
|
رد: أنا ســــــعــــودي
صح لسانك يالكثيري
ولاهنت على تواصلك وطرح الرائع استمر فنحن نعشق الشعر تحياتي |
رد: أنا ســــــعــــودي
صح الله لسانك قصيده من أروع ماقرأت بامانه
لاهنت وفالك التوفيق ياغالي |
رد: أنا ســــــعــــودي
بارك الله فيكم شرفتوني بردودكم وكلماتكم الطيبة
شكراً لكم جميعاً وإن شاء الله أقدم لكم دائماً ما يرتقي الى مستوى الذائقة تحياتي وتقديري لكم |
رد: أنا ســــــعــــودي
وأنا أكتسبت العز من جد جدي = منهم تعلمت الوفا والمبادي
صح الله لسانك قصيده من أروع ماقرأت بامانه لاهنت وفالك التوفيق ياغالي |
رد: أنا ســــــعــــودي
صح لسانك .. بصراحه ابياات قمه في الجمال
اتمنى ان لا تحرمنا من ابداعاتك المماثله |
رد: أنا ســــــعــــودي
أخوي فيصل
صح بدنك ولاهنت تحياتي لك |
الساعة الآن 11:16 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية