منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   الخواطر والقصص والروايات (http://vb.shmran.net/forumdisplay.php?f=9)
-   -   كنت احسبكـ بستان (http://vb.shmran.net/showthread.php?t=23804)

بــــ بركـــي ــن 06-13-2010 11:58 PM

كنت احسبكـ بستان
 
عزي لقلب ... صار همه مخاويه
متعلق ... لا هوبشايب ولا شاب
لا قادر يفرح بشـــي ..... يسليه
ولا قادر يلبس على حزنه ثياب
راعي الطموح يموت مادرك مناويه
لاخاسر حلمه.... ولا كاسب اعجاب
لاهو فقد له شي..... علشان يرثيه
ولا ظافر شي يحسب له حساب
اقسى عذاب يخلي الانسان يبكيه
عذاب لكن تتفق فيه كل الاسباب
لامن عشق حاجه ولاهيب في يديه
لا يأس منها ولا عن العشق تاب
الحر وافي ولا يخون .......راعيه
حتى لو انه دون راعيه ...ينصاب
لاضاعت الهقوه تموت المشاريه
ماكنها الا ثلج في كفي.... وذاب
حتى ردي الساس يفخر بماضيه
في وقت ساوا الناس بين الانساب
وش عذر من صدق كلام ....يغذيه
لاصار منهو يدعي الصدق كذاب
علمت نفسي درس مانيب ناسيه
ماقيل لي ولا حفظته من كتاب
لاحدني وقتي على شي مابيه
اعز نفسي ومنة الناس بتراب
الله يرجع كل غالي...... لغاليه
والله يلم الشمل مابين الاحباب
اللي يبي الفرقا عسى الله يهنيه
ماني ورى المقفي مطارد وطلاب
لو كل من قفى بتبع ...... خطاويه
مافارقت عيني مواليف واصحاب
ياصاحبي ماعاد لي شي اداريه
بيني وبينك مابقت كلمة ...عتاب
اللي يحز بخاطري ليه بس احاتيه
ماهوب يستاهل شقا وحرقة اعصاب
الظن لامن خاب لاتقولين لي .. ليه؟
وش فايدة تفهمين الظن..... لاخاب
كنت احسبك بستان محد يجي فيه
واثرك محل منبني فوقه..... اطناب
اموت ضامي واحضن الهم واخفيه
ولو كل شي بخاطري رحت اسويه
وش عاد اسوي لمن خاطري طاب

مي م.ط 06-14-2010 05:27 AM

رد: كنت احسبكـ بستان
 

الله يرجع كل غالي...... لغاليه
والله يلم الشمل مابين الاحباب

.............

تسلم ايدك بن بركي ع القصيده الجميله


بــــ بركـــي ــن 06-14-2010 09:22 PM

رد: كنت احسبكـ بستان
 
اقتباس:

المشاركة الأصلية كتبت بواسطة مي م.ط (المشاركة 241049)
الله يرجع كل غالي...... لغاليه
والله يلم الشمل مابين الاحباب
.............

تسلم ايدك بن بركي ع القصيده الجميله


الله يسلمك ,,

ونوووورت متصفحي بطلتك ..


الساعة الآن 02:24 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية