منتديات قبائل شمران الرسمية - من بعد الملوح خليفه

يامرحبا حي الغصون المريفه
اللي علينا عن شموس الدهر سد
براق حبك قدم عيني رفيفه
ومزنة غلاتك في سما الصدر ترعد
اللي غلاها بالضلوع النحيفه
في شوف عيني مالها بالبشر قد
غديت من فرقاك مثل الخطيفه
اللي خطفها الذيب من صافي العد
وعندي تساوى برد عمري وصيفه
وصرح الصبر من هزت مفارقك هد
بنت الرجال اهل العلوم الشريفه
من هولها ما ضدها بالبشر ضد
والقلب عقبك وين يلقى حليفه
في بحر حزنه لعبة الجز والمد
يهتف ويخلط بالعباير هتيفه
وقلبه لذيدان الصواديف مارد
غديت من بعد الملوح خليفه
وانتي كما ليلى على البعد والصد
يابعد عينن بالعباير كليفه
ويابعد قلبن في عذابك مخلد
ليه الفراق اللي كتب بالصحفيه
وحبل الرجا من دون وصلك تعقد
يوسف الشمراني