منتديات قبائل شمران الرسمية - عن اللي صفح نصفح ولوكان هو غالي

- المنقولات الأدبية (http://vb.shmran.net/forumdisplay.php?f=153)

- - عن اللي صفح نصفح ولوكان هو غالي (http://vb.shmran.net/showthread.php?t=51986)

عن اللي صفح نصفح ولوكان هو غالي

عن اللي صفح نصفح ولوكان هو غالي
والاقبال يبشر صاحبه بالتبهلالي

على مامضى باول زماني ومابقى
ولا خير باللي ماله اول ولاتالي

الى شفت جفوى من رفيقٍ لقيتني
جزومٍ على جفواه من كل الاحوالي

ولا ابين اسراره وعاره يعورني
اخليه في فاله وانا اروح في فالي

ولا نيب حبابٍ لمن لا يحبني
تصير المحبه فيه بلوى وغربالي

كما تاعبٍ يتعب على غير فايده
وهو سابقٍ حفار جحرٍ وهو خالي

ولا ابين اسراري لمن لايسرني
ولوشلت حملٍ باهظٍ صبري اشوى لي

والا اطلب ثنى المعروف من غيرصاحبه
اقيسه بعقلي واستدله بالامثالي

ولولا الدلايل مااقتدى ساري الدجى
ولولا المعرفه ماادرك الجود رجالي

ولانيب اجازي راعي الطيب بالردى
وانا خابرٍ ماادركت يذكر من افعالي

اجازيه بالحسنى على الطيب والنقى
واشيع ثنا مجده على روس الاقذالي

ولو باربي تالي زمانه وحسني
مقادم كراماته تكفي عن التالي

ولاني بهراجٍ على غير مستمع
تجي رمية العرض لها مثل وامثالي

ولامهديٍ شوري لمن لا استشارني
يجي مثل صوت القايله بالخلا الخالي

ولا ناصحٍ من لايميز نصيحتي
يصير الدوا مجهول والجرح قتالي

واقابل مع الوجه المقابل واباشره
على راحةٍ مني ولاني بملالي

ومن لا ادرك الجودا على وقت شبة
ارى انه لها في تالي العمر مانالي

ترى عاذل المشتاق عن راس مقصده
كما اللي يرد السيل يرجع الى العالي

الشاعر سليمان بن ناصر آل شريم