ما فيه حاجة ساقطة ألا وراها لاقطه
 

ما فيه حاجة ساقطة ألا وراها لاقطه

واللي يطيح من السماء فالأرض يلقي له قبيل

والطب ما خلى علاج إلا علاج الواسطه

ما عينوا علاجها فالطب والطب البديل

حتى سهوم أهل النزاهة فالدواير هابطه

قليل لا منك لقيت اللي بعد مخلص قليل

تلقى خيوط معاملتك الهينة مترابطه

من دونها يفتل وينقض راعي الطبع الرذيل

وان جت وظيفة في قطاع كلبوه مرابطه

وظيفة يالله تسد الدين وتفك الكفيل

قالوا له اللجنة ترى عندك ثنيه ساقطه

والطول تحت المستوى وجسمك ضعيف ونحيل

واللي وراه قصير لكن حظه ما غطه

عين له مسنع وصار بقدرة القادر طويل!



الشاعر سعيد مقبل الاكلبي

رد: ما فيه حاجة ساقطة ألا وراها لاقطه
 

رد: ما فيه حاجة ساقطة ألا وراها لاقطه
 

منوره عزيزتي ريهام خالد
اسعدني مرورك العطر وتعقيبك الرائع
لك مني أجمل تحيه وتقدير لاعدمتك

رد: ما فيه حاجة ساقطة ألا وراها لاقطه