منتديات قبائل شمران الرسمية - ترى حكيم العقل صمته سلاحه🍀

- بـوح الـقـصيد للشعراء الأعضاء (http://vb.shmran.net/forumdisplay.php?f=7)

- - ترى حكيم العقل صمته سلاحه🍀 (http://vb.shmran.net/showthread.php?t=65594)

ترى حكيم العقل صمته سلاحه🍀

ترى حكيم العقل صمته سلاحه

https://i.pinimg.com/originals/42/45...d2447acd06.gif

يا سامعي مالك نجاةٍ من الموت
ومالك على الدنيا متاعٍ وراحة
زيّن من أعمالك قبل فايت الفوت
واحرص على حسن الخُلق والسماحه
ترى الحياة حظوظ والعمر موقوت
أخذ الصراحه كان تبغى الصراحه
اجعل غناة النفس لعيونك القوت
واكرم جنابك بالعقل والرجاحه
واحذر تصير ابسكة الغيّ مفلوت
كم جيدٍ فيها تلقى مطاحه
ولا عاد سره عقبها رفعة الصوت
من طاح فيها ما يفيده صياحه
تهوي به الغِرات ويعيش مكبوت
ولا عاد يدري وش مساه وصباحه
والمؤمن اللي بالولاء صدق مبخوت
اللي مقدم في حياته صلاحه
اللي بنى له باطيب أفعاله ابيوت
بالصبر والهمة وقوّة كفاحه
لا تحطك اوجاع الزمن وسط تابوت
والله خلق لك لـ لمخارج مساحه
وان صار لك حقٍ جليٍ ومثبوت
لا تدويْ بصوتك على كل ساحه
خلك رزين وتأخذ الحق بسكوت
وترى حكيم العقل صمته سلاحه
نصايحٍ لخصتـها بجملة ابيوت
اعذب من العّد المصفى قراحه

علي صالح عسلان