منتديات قبائل شمران الرسمية - طال الزمان وطال بعد المسافات 💞

- بـوح الـقـصيد للشعراء الأعضاء (http://vb.shmran.net/forumdisplay.php?f=7)

- - طال الزمان وطال بعد المسافات 💞 (http://vb.shmran.net/showthread.php?t=67058)

طال الزمان وطال بعد المسافات 💞

طال الزمان

https://i.pinimg.com/originals/3e/77...3d2bff5d19.gif

طال الزمان وطال بعد المسافات
والبارحه بالحلم صدفه رأيتك
شفتك حزينه واقفه في ممرات
حي الطفوله حول جدران بيتك
وشفت الزمن راسم بخدك علامات
سهيت في مضمونها ثم رثيتك
قلت العنا داخل بقاياك يقتات
ليتك على نفسك تروفين ليتك
أذكر شموخ وطرف ناعس وضحكات
وش بدل الأحوال قولي رجيتك
قالت، ولكن تخنق الصوت عبرات
قلت اسمحي، للصمت لحظه دعيتك
حتى أنا جتني من الوقت غارات
ولو الوصل له درب مشروع جيتك
قالت كأن الوجد والشوق ما مات
ولا انت خادعني بكلمة نصيتك
قلت اسمعي، ما اخدعك انا عندي اثبات
والشاهد الله بالصراحه نويتك
لكن حسافه انهت الحلم رنات
صوت المنبه ليتني ما لقيتك
لانك لمستي جرح يعنيك بالذات
والمشكله سر الغلا ما عطيتك
الشاعر/عايض الميلبي
https://encrypted-tbn0.gstatic.com/i...l5CBtlgBN_VuKP