خليّ الهموم ليا بغى النوم طاح ونام
 

خليّ الهموم ليا بغى النوم طاح ونام ..
وأنا لا بغيت أرقد حصل ما يجزّينـي

تقارع هواجيس الضماير قريع حْيَام ..
على جال عـدٍ صوَّعـوه الـوراعيــني

وقلبي كما عسوٍ زوى جذعه الصرّام ..
متغانمٍ ربعٍ علــى الهجـن مـقـفيـنــي

برا الحال من كثر التوجّاد بري اثمام ..
مْـحيـلٍ ولاعته اللـواهيب واشينـي

وحالي على ناب الردايف طواه هيام ..
طواني طواي ابريسمٍ داعج اعيني

ويا والله اللي طاول الحال بالإسـقـام ..
إن كان طاول في فراق المحبينـي

من شاف حالي قال هذا مريض العام ..
وهو ما درى إن ذا دوم حال المشَقّيْنِي

بلاي الونين وكثر ما ألاحي الحمـام ..
خصوص ليا منّه غدا الليل ليليني

قزرت الليالي بالتونوان والهضـّام ..
على القوس يوم إن المخاليق ممسيني

ترزّمت كنّي مخلجٍ تتبع الجـــهـام ..
تدور الحويّر بين خـلطا الـفراقيني

مالـي جـدا كـود التوجـّاد والندّام ..
ولابه رـيـقٍ لا شكيته يشاكني

يا كود من هو ينطح الحره والخرام ..
مَلْجى الحصان إلى أدركوه المغلِّـيني

حامي عقاب الخيل لا ثوّر الكتام ..
ولا قهقـروا حـرد السـبايا مخيْفِينِي

جزومٍ ويلقط بأجردٍ حاسمٍ صرّام ..
عزّ الصحيب وسقم حال المعـادينـي

ومن عقب ذا دنّوا لنا نابيـة سنام ..
خطوا ردومٍ داربٍ دلّهـا زينـي

تقلّ الصريمة كلما طوّل الدرهـام ..
تخَنوَد كما عذراً شعوها المغنّـيني

وتخضع براسٍ كنها شارب المدّام ..
كما اللي شرب من غاني الخمر كاسيني

على غاية الركاب والكيف والمرام ..
ليا دبّرت كنْهَا وحيْف الشّياهـيني

تشابه لربداً يوم ذارت مع السهّام ..
شـمّت وشافت لمحة الزول بالعيني

هيَّا عليها يا فتى الجود والهمـام ..
حـذور التواني يا زبون المخليني

ليْ من لفيت فهيد تثني له السلام ..
أبو حمد ريف الركاب المعنّيني

فهيمٍ يعرف العلم من ناضح الكلام ..
يكفّـِيه من كثر الهرابيد تلحيني

ترا دواي حرف الجيم والعين حدره لام ..
قدر ساعةٍ ليْ من حصل داعج العيني

سميّه سهيل وعنبر الهند يا عــلاّم ..
مع اللي مقرّه في غزير الميادينــي

وسميّه تورّده المراكب على الدمام ..
وتلقى سميّه في كثير الدكاكـيني

وترا الاسم الآخر لا ضحك زحزح الظلام ..
وغنّت له الورقا رقيق التلاحيني

ورابع سميّ العذب من دور عام لعام ..
تشتت لأهل المال عقب المقاطيني


خميس بن سيف ال بو عينين

رد: خليّ الهموم ليا بغى النوم طاح ونام
 

رد: خليّ الهموم ليا بغى النوم طاح ونام
 

رد: خليّ الهموم ليا بغى النوم طاح ونام
 

أرحب اخي الغالي
ابو فراس الشمراني
أشكرك جزيل الشكر لتعقيبك
كل الموده والتقدير لاعدمتك

رد: خليّ الهموم ليا بغى النوم طاح ونام
 

أرحب اخي الغالي
فتى بلاد شمران
أشكرك جزيل الشكر لتعقيبك
كل الموده والتقدير لاعدمتك

رد: خليّ الهموم ليا بغى النوم طاح ونام
 

رد: خليّ الهموم ليا بغى النوم طاح ونام
 

رد: خليّ الهموم ليا بغى النوم طاح ونام
 

أخي الغالي ليث محمد
أشكرك جزيل الشكر لتعقيبك
كل الموده والتقدير لاعدمتك

رد: خليّ الهموم ليا بغى النوم طاح ونام
 

ألاخت الغاليه ريحانة شمران
أشكرك جزيل الشكر لتعقيبك
كل الموده والتقدير لاعدمتك

رد: خليّ الهموم ليا بغى النوم طاح ونام