منتديات قبائل شمران الرسمية - من حط نفسه بدرب الضيق يحرجها🍂

من حط نفسه بدرب الضيق يحرجها

عبدالله بن زويبن الحربي

https://i.pinimg.com/originals/32/29...941ea02e74.gif

إعداد - بكر هذال

حين تقرأ الإحساس الراقي تشعر بأهمية تلك المشاعر الشفافة، وبشموخ الموهبة، وروعة الإبداع.. فتبقى تلك الأحاسيس والقوافي الجميلة تخاطب عقولنا، وتسكن قلوبنا، ويحلو لنا ترديدها. فالأحاسيس.. هي عاطفة إنسانية تنبع من الأعماق، وتنبض بها القلوب، وتترجمها القوافي، فنستمتع كثيراً عندما نقرأ أو نسمع تلك الروائع، ومنها هذه الأحاسيس النقيّة للشاعر عبدالله بن زويبن الحربي.
سمعت لي كلمةٍ مدري وش أقصاها
حزّت بصدري وانا ماني بهارجهـا
لوكل كلمــــه إلى جتنا طردناهـــا
بعنا الثمينه بســــعرٍ ما يخارجهـــــا
لـو مـرّت السمع ما كنــا سمعنـاهـــا
ونقفل الـــراس عنها لا يبـــرمجهـا
ومــن يــم هـــذا لهـــذا ما نــقــلناهــا
والنـاس واجـــد وتلقى من يروجهــــا
ومـن جـابها بيـن خــلـق الله ووداهــا
لـو بــه مراجــل ترى نفسه يسـمجهـا
ومن عامل الناس في سابق خطاياهــا
يقعد بدارٍ خــــلا مــا داج دايجــهــا
في كنّةٍ تشوي الجربوع رمضاهـــــــا
تابس غصون الشجر من حر واهجها
الناس بالحق حكم الشيخ ما أرضاهــا
مــا تـرضي النـاس لـو أنــك تحججها
ياللي تبي الطيّبه خذها وعطناهـــــا
خــل الطريفه طـريّه لا تــثــلجــهــــا
وأقضب طريق الاوادم وامش ممشاهـا
اتبـع دروب العرب وانهج مناهجهــا
وأرسم لنفسك احـــدودٍ لا تعداهــــــا
من حط نفسه بدرب الضيق يحرجها
وأن كان نفسك هواها قام ينحاهــــا
حط الاعنّه بروس الخيل وأسرجهــا
وفـكـــر بـمـنـكـافـهـا قـدام مغزاهــا
وأضرب احساباتها وتشوف ناتجهـا
وكـلٍ بـعـضـده يموح الدلو برشاهـــا
وتلقى كبود الضوامي من يبرهجهـا
وان كـان تـوّك عـلى صدرك تهجاهـا
حـنـا تـرانـا نـدرس فـي مـنـاهـجهـا
مــن يــم مــصـبـاحتهـا نـبعد معشاهـا
إلــى قــعــد راعـي الضلع يـدرجها
لـوهـي صعـيـبه إلى انعاجت عدلناهـا
واللي تجي مستقيمــه ما نعـروجهـا
نــهـتـم فـى وزنـهـا وأبـرام معـنـاهـــا
ومـن الكرســتال والـلـؤلـؤ نـتوجها
مـثــل الجـواهـر إلـى منـا نظمناهــا
واسلوكها من جديد الزري ننـسجها
مـخــايلٍ تــرتــدم والصدر منشاهــــا
لا دك بـالبـال هـاجوسٍ يـهـيجـها
واليا امطرت ضاقت الوديان في ماها
تأخذ الى الحول ما يبست مدالجهـا
وإن صدّت الناس عـنا ما اعترضناها
ما تـقــفي الناس عــنــا وانتولجهــا
وأن جــاتـنـا الطيّبه بالطيب زدناهــــا
الـطـيّبـه بالعسل والسمن نـمزجهـا
وأن جــاتـنـا الثانيه نصبر ونرفاهـــا
يمكن الى فاق راعـيـها يعــالجهــــا
وأن عــادهــا عــودةٍ ما عاد ينساهـا
من حربة في صميم الصدر نولجها
مـسمـومةٍ يبـلـش الـدكتور بأدواهــا
مـا يـقـنـع الخـبل لـين انه إيلامجهــا
عبدالله بن زويبن الحربي