منتديات قبائل شمران الرسمية - يقول الخلاوي والخلاوي راشد

- المنقولات الأدبية (http://vb.shmran.net/forumdisplay.php?f=153)

- - يقول الخلاوي والخلاوي راشد (http://vb.shmran.net/showthread.php?t=72680)

يقول الخلاوي والخلاوي راشد

يقول الخلاوي والخلاوي راشد

وهو قاعد ٍ يبني جديد القصايد

قصايد لابد الملا تستفيدها

لامسى غريم الروح للروح صايد

لعل الذي يروونها يذكرونني

بترحيمة تودع عظامي جدايد

وأوصيك يا ولدي وصاة ٍتضمها

إلى عاد مالي من مدى العمر زايد

وصية عود ثالثت رجله العصا

وقصرت خطاه اللي من أول بعايد

وصية عود ٍزل حلو شبابه

وعانيه بالدنيا و عانيك واحد

يبديك بالغالي على شق نفسه

شفيق من ايام الرضا عنك ناشد

لا تأخذ الهزلى على شان مالها

ولاتقتبس من نارهم بالوقايد

لا تأخذ الا بنت قوم ٍحميده

عسى ولد ٍمنها يحوش الحمايد

ولياك بنت النذل لا تشتقي بها

ولو زينو لك جيدها بالقلايد

يجزى عمل راعى الحساني بمثلها

ويجزى عمل راعي النكد بالنكايد

ولا تتقي في خصلة مابها ذرا

ولاتنزل الا عند راعي الوكايد

ولا تسفه المنيوب إلى جاك عاني

إياك ياولدي ومطل الوعايد

أبيك تسوي بي سواتي بوالدي

وأنت على غيره بمثلي وزايد

فلي من قديم العمر نفس عزيزه

أعض على عصيانها بالنواجد

قد أوزمتها ماكاد خوف إلى بدا

علي من أيام الردى لا تعاود

ويا طول ما وسدت راسي نكاده

من خوفتي يعتاد لين الوسايد

فمن عود العين الرقاد تعودت

ومن عود العين المساري تعاود

ومن عود القوم المناعير مطمع

تلوه بالانضا والجياد العدايد

ومن عود الصبيان أكل ٍببيته

عادوه في عسر الليالي الشدايد

ومن عود الصبيان ضرب بالقنا

نخوه يوم الكون يابا العوايد

ومن كثر الطلعات للصيد ربما

يوافيه غرات يجي منه صايد

ومن تابع المشراق والكن والذرا

يموت ما حاشت يديه الفوايد

الأيام ما باق ٍبها كثر ما مضى

والاعمار ما اللي فات منها بعايد

نعد الليالي والليالي تعدنا

والأعمار تفنى والليالي بزايد

إلى دقت الوسطى البهام تذكرت

زمان مضى ماهو لمثلي بعايد

فلا بد ما سحم الظهور تعودنا

بليل ٍولالي عن لقاهن ذايد

ويمعطن من ظهري هبر ٍ لكنه

خبايب ليف ٍ بين عوج الجرايد

راشد الخلاوي